Avropa çempionatına yaxşı hazırlaşmışdım.

Bunu "Far.Az"a İspaniyada keçirilən yeniyetmələr arasında cüdo üzrə Avropa çempionatında qızıl medal qazanan Nihad Ağayev (50 kq) deyib.

"Rəqiblərimi texniki cəhətdən analiz etmişdim. Bayrağımızı Avropa çempionatında ucaltdıq. Bundan qürur duyduq.

Gələcəkdə keçiriləcək digər yarışlara da yaxşı hazırlaşacağam. Çalışacağam ki, növbəti yarışlarda da yüksək nəticələr göstərim, ölkəmizi layiqincə təmsil edim", - N.Ağayev bildirib.

Qeyd edək ki, Azərbaycan milli komandası Avropa çempionatında 10 medal qazanaraq tarixi nəticəyə imza atıb. Zəhra Quliyeva (40 kq) və Nihad Ağayev (50 kq) qızıl, Fərid Rzazadə (50 kq), Sadiq Məmmədov (73 kq), Ömər Axundov (90 kq) gümüş, İbrahim Talıbov (55 kq), Könül Eyvazlı (48 kq), İlkin Qarayev (66 kq), Ayxan Həsənli və Yaqub Məmmədov isə bürünc medal qazanıblar.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Əfv Sərəncamı imzalayıb

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

Üzgüçülük üzrə Azərbaycan çempionatı başa çatıb - YENİLƏNİB

Azərbaycan-Gürcüstan dostluğunu və milli irsi yaşadan mərkəz - Axundov Muzeyindən REPORTAJ