Fövqəladə Hallar Nazirliyinin (FHN) Akademiyasında "Formula-1 Qatar Airways Azərbaycan Qran-Prisi 2026"-ya hazırlıq çərçivəsində yanğından mühafizə və xilasetmə üzrə ixtisaslaşmış marşallar üçün təlimlər keçirib.

"Far.Az" xəbər verir ki, bu barədə jurnalistlərə açıqlamasında FHN-in Baş Əməliyyat İdarəsinin rəisi polkovnik-leytenant Elvin Ağayev deyib.

Onun sözlərinə görə, ümumilikdə 186 nəfər marşal var və onlardan 60 nəfəri Fövqəldə Hallar Nazirliyinin peşəkar yanğınsöndürənləridir.

Şöbə rəisinin sözlərinə görə, təlimlər iki hissədən ibarətdir:

"Nəzəri hissədə yanğın zamanı davranış və digər qaydalar, praktiki hissədə isə texniki avadanlıqlarla iş üzrə davranış izah olunur. Nazirliyin 30-dan çox xüsusi texnikası, eləcə də 400 nəfərə yaxın şəxsi heyətinin cəlb olunması planlaşdırılıb".

Xatırladaq ki, Bakıda keçiriləcək "Formula 1" üzrə Azərbaycan Qran-prisi sentyabrın 24-26-da baş tutacaq.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Silahlı Qüvvələrin bir qrup hərbi qulluqçu təltif edilib

FHN WUF13-ə hazırlıq çərçivəsində otellərdə təlimlər keçirib

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib

Şəhid olmuş bir qrup hərbi qulluqçu və mülki işçi ölümündən sonra təltif olunub