“Azərbaycanın işğaldan azad edilmiş ərazilərində dağıntıları görmək çox üzücüdür”.
Bunu “Report”a açıqlamasında Malayziyanın Azərbaycandakı səfiri Dato Yubazlan bin Yusuf Kəlbəcər rayonuna səfəri zamanı deyib.
“Bütün bu dağıntıları görmək çox üzücüdür. Qarabağın demək olar bütün digər şəhərlərində olduğu kimi, burada da yalnız bir neçə tikili salamat qalıb, qalan hər şey dağıdılıb. Biz tamamilə dağıdılan məscidi də gördük”, - səfir bildirib.
Onun sözlərinə görə, Malayziya Azərbaycan üçün maraqlı ola biləcək NFCP proqramı çərçivəsində dəstək verməyə hazırdır.
