Bu ilin sonunadək Xəzərin Azərbaycan sektorunda yerləşən "Şahdəniz" qaz-kondensat yatağının işlənilməsinin növbəti mərhələsi ("Şahdəniz-3 red.) çərçivəsində kəşfiyyat quyusunun qazılmasına start verilə bilər.
"APA-Economics" xəbər verir ki, bu barədə BP-nin Xəzər regionunda kommunikasiya və xarici əlaqələr üzrə vitse-prezidenti Bəxtiyar Aslanbəyli jurnalistlərə bildirib.
Onun sözlərinə görə, yatağın növbəti işləmə mərhələsi çərçivəsində kəşfiyyat quyusunun qazılması nəzərdə tutulub və qərar verilsə, bu cari ildə baş tuta bilər.
"Bu dəqiq deyil, üzərində iş gedir, hesablamalar gedir, texniki dəyərləndirmə aparılır", - deyə, Bəxtiyar Aslanbəyli qeyd edib.
O əlavə edib ki, kəşfiyyat qazma işləri rezervuarın parametrini, dərinləyini müəyyən etmək üçün aparılır ki, bu da ehtiyyatlar ilə bağlı ehtimallar üçün şərait yaradacaq.
