Müasir dövrdə sosial şəbəkələr təkcə böyüklərin deyil, uşaq və yeniyetmələrin də həyatının ayrılmaz hissəsinə çevrilib.

Bu fikirləri "Far.Az"a açıqlamasında deputat Müşfiq Cəfərli deyib.

O bildirib ki, uşaqlar da sosial şəbəkələrdə asudə vaxtlarını keçirir, dostları ilə ünsiyyət qurur, müxtəlif məlumatlar əldə edirlər:

"Bütün bunlarla yanaşı, sosial şəbəkələr uşaqlar üçün müxtəlif təhlükələr də yaradır. Təəssüf ki, sosial şəbəkələrin müsbət tərəfləri ilə yanaşı, olduqca ciddi problemlər yarada bilən mənfi yanları da az deyil. Xüsusən, uşaqların psixoloji olaraq həssas dövrləri sayılan yaşlarda belə platformalardan istifadə etməsi qətiyyən tövsiyə edilmir. Düzdür, artıq müxtəlif platformalarda yaş məhdudiyyəti tətbiq olunsa da, hələ də bir çox sosial şəbəkələrdə açıq şəkildə həssas və qeyri-etik məzmunlu paylaşımların yayımlanması özünü göstərir".

Deputat xatırladıb ki, uşaqları qorumaq üçün müəyyən proqramlar var və valideynlər bu cür proqramlarla öz telefonlarından uşaqların mobil cihazlarını idarə edə bilirlər:

"Uşaqları sosial şəbəkələrdən tam uzaqlaşdırmaq mümkün deyil, amma bu sahədə tərbiyəvi söhbətlərin, seminarların təşkili çox gözəl olardı".

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

"Botanica Residence"nin rəsmi təqdimatı baş tutdu: Təbiət və şəhər həyatının harmoniyası

Azərbaycanlı məşhurlar övladlarını sosial şəbəkələrdən necə qoruyurlar?

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

"Subway Azərbaycan" şəhid və qazi ailələrinin uşaqları üçün KVN gecəsinə səfər təşkil edib