Dünya əhalisinin 80 faizinin dini inancı var, ona görə də dinlərarası dialoq platforması ciddi əhəmiyyət kəsb edir.

"Report" xəbər verir ki, bunu Bakı Beynəlxalq Multikulturalizm Mərkəzinin icraçı direktoru Rəvan Həsənov Bakıda keçirilən Dini Liderlərin Qlobal Sammitində təşkil olunmuş "Dünya Dinləri Yaşıl Planet uğrunda" mövzusunda plenar iclasda deyib.

O qeyd edib ki, inanclar fərqli olsa da, planeti qorumaq və bəşəriyyəti inkişaf etdirmək öhdəliyi sərhədləri aşır:

"Bəziləri iddia edə bilər ki, ətraf mühitin mühafizəsi mahiyyət etibarilə, inanc məsələsi deyil. Lakin mən hesab edirəm ki, ekoloji böhranlar milli, iqtisadi və mədəni xətləri keçdiyi, bütün cəmiyyətlərə təsir etdiyi, həmçinin planetimiz bütün bəşəriyyət üçün ortaq miras olduğu üçün dinlərarası dialoq çox əhəmiyyətlidir".

R.Həsənovun fikrincə, sammit iştirakçıları birgə layihələr həyata keçirə, yoxsulluğun azaldılması, münaqişələrin qarşısının alınması və sağlamlığın təşviqi ilə məşğul ola bilərlər:

"Ətraf mühitə dəyən ziyanın tez-tez sosial bərabərsizlikləri gücləndirdiyi, qeyri-mütənasib şəkildə ən həssas qruplara təsir göstərdiyi geniş şəkildə qəbul edilir. Biz birgə işləməklə, ərzaq təhlükəsizliyi, təhlükəsiz içməli suya çıxış və yoxsulluğun azaldılması kimi mühüm sahələrdə irəliləyişlər əldə edə bilərik".

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

XİN başçısı BMT BA-nın 79-cu sessiyasında çıxış edib - YENİLƏNİB

COP29 Əməliyyat Şirkətinin rəsmisi: Bundan sonrakı COP tədbirlərində Azərbaycanın könüllülər proqramının irsindən istifadə ediləcək - MÜSAHİBƏ

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Yoxsulluğun lənəti: Ailədə olduğunun beş əlaməti və təmizləməyin yolları