Ağ Ev İrana qarşı hərbi və iqtisadi hücum həyata keçirsə, bu, Amerikaya baha başa gələcək.

"Far.Az" "Tasnim"ə istinadən xəbər verir ki, bunu İranın Ali Milli Təhlükəsizlik Şurasının katibi Möhsün Rezai Qətər Dövlətinin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani ilə görüşdə deyib.

"Amerika şər işlərə əl atarsa, onların başına tarixə yazılacaq bir bəla gətirərik", - M. Rezai bildirib və İranın çətin günlərdə Qətərə kömək etdiyini xatırladıb.

Onun sözlərinə görə, Tehran Vaşinqtona etibar etmir: "Onlar dəfələrlə diplomatiya və danışıqlara xəyanət ediblər. Amerikanın hərbi və iqtisadi maraqlarına problem yarada bilərik.

Amerika əvvəlcə İranın şərtlərinin yerinə yetirilməsi istiqamətində əməli addımlar atmalıdlr, bundan sonra isə İran Hörmüz boğazının yenidən açılması üçün hərəkətə keçəcək.

Al Tani isə çətin şəraitdə İranın yardımlarına və iki ölkə arasındakı qardaşlıq əlaqələrinə görə minnətdarlıq edərək bildirib ki, ölkəsi İran ilə əməkdaşlıqda heç vaxt tərəddüd etməyib:

"Bölgənin hazırkı həssas şəraitində, məsuliyyət hissinə əsaslanan motivasiya ilə İranla əməkdaşlığa həmişə can atırıq".

Xatırladaq ki, Al Tani İran Prezidenti Məsud Pezeşkian və İslam Respublikasının parlamentinin sədri Məhəmməd Baqir Qalibafla da görüşüb. Əsas müzakirə mövzusu regionda gərginliyin azaldılması, ABŞ ilə danışıqların bərpası olub.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2