Azərbaycan Respublikasının İnsan Hüquqları üzrə Müvəkkilinin (Ombudsmanın) Milli Preventiv Mexanizm fəaliyyəti çərçivəsində Milli Preventiv Qrupunun üzvləri tərəfindən Ədliyyə Nazirliyi Penitensiar Xidmətinin 6 və 12 saylı Məntəqə tipli cəzaçəkmə müəssisələrinə planlı başçəkmələr həyata keçirilib.

Bu barədə "Report"a Ombudsman Aparatından məlumat verilib.

Bildirilib ki, başçəkmələrin əsas məqsədi məhkumların saxlanma şəraitinin, onlarla rəftarın, məşğulluğunun, tibbi və sosial-məişət təminatının, habelə hüquq və azadlıqlarının təmin olunması vəziyyətinin yerində araşdırılması və monitorinqinin aparılması olub.

Başçəkmələr zamanı müəssisələrin yaşayış korpuslarına, yeməkxanalarına və digər aidiyyəti obyektlərinə baxış keçirilib, məhkumların saxlanma şəraiti, tibbi təminatı, sosial-məişət vəziyyəti və hüquqlarının təmin olunması ilə bağlı məsələlər öyrənilib.

Həmin müəssisələrdə məhkumların fərdi qəbulu təşkil olunub, onların müraciət və təklifləri dinlənilib, qaldırdıqları məsələlərlə bağlı hüquqi məsləhətlər verilib.

Bununla yanaşı, məhkumların Ombudsmana müraciət etmək, hüquqi yardım almaq, ailə üzvləri ilə əlaqə saxlamaq və qanunvericiliklə nəzərdə tutulmuş digər hüquqlarının həyata keçirilməsi ilə bağlı hüquqi maarifləndirmə aparılıb.

Müəssisə rəhbərliyi ilə keçirilən görüşlərdə də insan hüquq və azadlıqlarının, o cümlədən məhkumların hüquqlarının etibarlı müdafiəsinin təmin edilməsi, ayrı-seçkiliyə yol verilməməsi, müraciətlərə həssas yanaşılması və onların operativ araşdırılmasının vacibliyi diqqətə çatdırılıb.

Başçəkmələr çərçivəsində, həmçinin müəssisələrə Ombudsmanın "916" Çağrı Mərkəzi barədə məlumat lövhələri təqdim edilib.

Oxşar xəbərlər

Amnistiya aktı məntəqə tipli cəzaçəkmə müəssisəsində icra olunub

Səbinə Əliyeva: Mina problemi fundamental insan hüquqlarının kobudcasına pozulmasıdır

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

VII çağırış Milli Məclisin deputatları - SİYAHI