Efiopiyada hökumətlə Tiqray qüvvələri arasında qarşıdurma qonşu Afar və Amhara bölgələrinə yayılıb. Üç hava limanına nəzarəti ələ keçirən Tiqray Xalq Azadlıq Cəbhəsi (TPLF) genişmiqyaslı müharibənin getdiyini açıqlayıb.

BAKU.WS AFP-yə istinadən xəbər verir ki, TPLF qüvvələri sentyabrın 23-də federal polisin nəzarətindəki hava limanlarını tutub və iki qonşu bölgədə hücuma keçib.

Döyüşlər harada gedir?

TPLF sədrinin müavini Amanuel Assefa sentyabrın 24-də Afar və Amharada yerli silahlı qruplarla birlikdə döyüşdüklərini bildirib.

Afar bölgəsindəki humanitar mənbənin məlumatına görə, Tiqray sərhədi yaxınlığında yerləşən Yallo şəhərini ələ keçirmək cəhdi zamanı ağır artilleriyadan istifadə olunub. Hökumət və TPLF hərbi qarşıdurmanın yenidən alovlanmasına görə bir-birini günahlandırır.

Əvvəlki müharibənin nəticələri aradan qalxmayıb

Yeni döyüşlər 2020–2022-ci illərin müharibəsindən sonra bərpa olunmayan bölgədə vəziyyəti daha da ağırlaşdırır. Afrika İttifaqının hesablamalarına görə, həmin müharibədə 600 mindən çox insan həyatını itirib.

2022-ci ildə imzalanan Pretoriya sülh sazişi müharibəni dayandırsa da, razılaşmanın bir sıra müddəaları icra edilməyib. Təxminən bir milyon insan əvvəlki müharibə səbəbindən hələ də evindən didərgin vəziyyətdə yaşayır.

Oxşar xəbərlər

44 günlük Vətən müharibəsi: Azərbaycanın ərazi bütövlüyünün bərpasına gedən yol

Vətən müharibəsinin başlamasından 4 il ötür

Azərbaycan gömrükçüləri "Uşaq oyuncaqları" yükündən bəyan olunmayan mallar aşkarladı

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

Sumqayıt şəhərini Saray körpüsü ilə birləşdirən yolla bağlı son vəziyyət