27 Sentyabr - Anım Günü ilə bağlı Azərbaycan Vəkillər Kollegiyası tərəfindən respublika ərazisində növbəti dəfə pulsuz hüquqi yardım aksiyası keçirilib.

Bu barədə "Report"a qurumdan məlumat verilib.

Bildirilib ki, sentyabrın 25-də "Pro Bono", "Mərkəz", Bakı şəhəri 5, 10, 11, 19 və 20 saylı vəkil büroları, Gəncə və Şirvan regional vəkil büroları və Mingəçevir şəhər Vəkil Bürosunun vəkilləri tərəfindən pulsuz hüquqi yardım aksiyaları təşkil edilib.

Qeyd olunub ki, vətəndaş müraciətlərinin əksəriyyəti cinayət, inzibati işlər, mülkiyyət hüququ, hüquqi faktın müəyyən olunması, pensiya təminatı, kredit mübahisəsi, mənzil təminatı və digər sosial məsələlərlə bağlı olub.

Bundan başqa, sakinlərə hüquqi sənədlər tərtib olunub və onlara davamlı hüquqi yardımın göstərilməsi istiqamətində lazımi addımlar atılıb.

Aksiyada vəkillər tərəfindən ümumilikdə 80 vətəndaşa hüquqi məsləhətlər verilib, habelə müvafiq yazılı ərizələr tərtib edilib.

Oxşar xəbərlər

27 Sentyabr - Anım Günü münasibətilə Azərbaycan Ordusunda silsilə tədbirlər keçirilib

20 Sentyabr - Neftçilər Günü münasibətilə tədbir keçirilib

"Abşeron" sağlamlıq və istirahət mərkəzinin ərazisində abadlıq və yaşıllığın qorunması aksiyası keçirilib

Milli Məclisə seçkilərdə lider namizədlərin adları açıqlanıb - YENİLƏNİB

VII çağırış Milli Məclisin deputatları - SİYAHI