AFFA-nın U-13, U-11 və U-10 liqalarında baş tutmayan və yarımçıq dayandırılan oyunlara görə 6 komandaya 0:3 hesablı texniki məğlubiyyət verilib.

"Report" xəbər verir ki, bu barədə AFFA İntizam Komitəsinin iclasında qərar qəbul olunub.

U-13 Liqasında oktyabrın 10-na planlaşdırılan "Gəncə" – "Offside" oyunu qonaqların heyətində yetərsay olmaması, "Dəmir Yumruq" – "Lokomotiv" matçı isə "Dəmir Yumruq"un təyin olunmuş vaxtda meydanda olmaması səbəbindən keçirilməyib. Bu səbəbdən "Offside" və "Dəmir Yumruq" komandalarına texniki məğlubiyyət verilib.

Oktyabrın 11-də təşkil olunan "Alfa" – "Aslan" qarşılaşması 40-cı dəqiqədə təhlükəsizliyin təmin olunmaması səbəbindən yarımçıq dayandırıldığı üçün "Aslan" kollektivi eyni cəza ilə üzləşib.

U-11 Liqasında oktyabrın 10-da baş tutmalı olan "Polad 2024" – "Marafon" görüşündə meydan sahibləri təyin olunan vaxtda meydanda olmadıqları üçün oxşar cəza alıblar.

U-10 Liqasında isə oktyabrın 10-da nəzərdə tutulan "Paralimpiya" – "Polad" matçına "Polad"ın gəlməməsi, oktyabrın 11-də keçirilməli olan "Mehdiabad" – "Baku Football Academy" qarşılaşmasında isə "Mehdiabad"ın heyətində yetərsay olmaması üzündən hər iki komandaya texniki məğlubiyyət yazılıb.

Oxşar xəbərlər

İlham Əliyev Türküstanda TDT-nin qeyri-rəsmi Zirvə görüşündə iştirak edib

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan XİN-in kollektivi Fəxri və Şəhidlər xiyabanlarını, Zəfər abidəsini ziyarət edib