Azərbaycanın iki güləşçisi İordaniyanın Amman şəhərində 17 yaşadək yeniyetmələr arasında dünya çempionatında qızıl medal qazanıb.

Far.Az xəbər verir ki, bu barədə Azərbaycan Güləş Federasiyası məlumat yayıb.

51 kq çəki dərəcəsində çıxış edən Turan Daşdəmirov finalda qırğızıstanlı rəqibi Kutman Kalbayevə 5:3 hesabı ilə qalib gələrək ikinci dəfə dünya çempionu olub. Beləliklə, Daşdəmirov U-17 yaş qrupunda mübarizə apardığı 2 il ərzində maksimum nəticəyə imza ataraq İkiqat Avropa və ikiqat dünya çempionu ünvanına sahib çıxıb. O, həm də 2022-ci ildə U-15 Avropa çempionatının qalibi olub.

60 kq çəki dərəcəsində çıxış edən Ayxan Cavadov isə finalda gürcüstanlı Vaxtanq Loluaya 4:1 hesabı ilə qalib gələrək fəxri kürsünün ən yüksək pilləsinə qalxıb. Cavadov bu il qitə birinciliyində də baş mükafata sahib çıxmışdı.

Oxşar xəbərlər

Azad edilmiş ərazilərin bərpası: xarabalıqdan dirçəlişə doğru - Təhlil

Azərbaycanın iki güləşçisi dünya çempionatının qızıl medalını qazanıb

Azərbaycan güləşçisi dünya çempionatında bürünc medal qazanıb

“Mənim Səsim” Seçki Monitorinq Koalisiyası aralıq hesabatını təqdim edib - FOTO

MSK informasiya texnologiyaları mütəxəssisləri üçün seminarlara start verib