Məğlub olduğumuz oyunlara tam hazır deyildik.

"Report" xəbər verir ki, bunu "Sumqayıt"ın basketbolçusu Murad Orucəliyev klubun mətbuat xidmətinə açıqlamasında deyib.

O, komandasının ilk üç turdakı məğlubiyyətlərinin səbəblərindən danışıb:

“Fikrimcə, biz bu oyunlara tam hazır deyildik. Məsələn, “Lənkəran”la matça yaxşı başladıq, uzun müddət hesabda öndə olduq, amma üstünlüyümüzü qoruya bilmədik. Ümid edirəm ki, yeni oyunçularımızın gəlişi ilə komandamızın çıxışı daha da yaxşılaşacaq”.

28 yaşlı basketbolçu cari mövsümlə ötən ili müqayisə edib:

“Doğrudur, ötən “basketbol ili”ndə hədəflərimizə çata bilməsək də, oyun üslubumuz yaxşı idi. Səhvlərimizdən nəticə çıxartmağı bacarırdıq. İndi isə bunu görmürük. Amma düşünürəm ki, çatışmazlıqları aradan qaldırmaq olar. Hər şey zamanla yaxşı olacaq. Pley-offa vəsiqə qazanmaq üçün əlimizdən gələni etməliyik".

Qeyd edək ki, "Sumqayıt klubu yer aldığı B qrupunda 3 xalla altıncı - sonuncu sırada qərarlaşıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Bakıda COP29-un Liderlər Sammitinin açılış mərasimi keçirilib - YENİLƏNİB-2

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3