Müxtəlif dini məbədlərin əsaslı təmiri və bərpası ölkədə dövlət-din münasibətlərinin yüksək səviyyədə olduğunu göstərir.

"Report"un yerli bürosunun məlumatına görə, bunu Qafqaz Müsəlmanları İdarəsinin (QMİ) sədr müavini Bəxtiyar Nəcəfov Naxçıvanda keçirilən “Dövlət-din münasibətləri: geosiyasi reallıqlar və qlobal çağırışlar kontekstində” konfransdakı çıxışında deyib.

O vurğulayıb ki, İlham Əliyevin prezidentliyi dövründə milli-mənəvi dəyərlərin qorunub saxlanılması və inkişafı istiqamətində yaradılmış siyasi ənənənin dinamikası artıb, inkişaf tempi daha da sürətlənib:

“Ölkənin müxtəlif regionlarında inşa edilən, təmir-bərpa olunan məscid- ziyarətgah kompleksləri, kilsələr, sinaqoqlar qeyd olunan fəaliyyətin əyani sübutudur. Dövlət başçısı işğaldan azad olunmuş ərazilərdə quruculuq işlərini daim diqqətdə saxlayır, hər səfərində milli-mənəvi irsimiz olan abidələrin bərpası, təmiri işləri ilə yaxından maraqlanır".

"Şuşada, Ağdamda bir sıra məscidlərin təmir-bərpa olunması, Zəngilanda yeni məscidin tikilməsi, habelə alban və pravoslav kilsələrinin əsaslı restavrasiyası dövlət-din münasibətlərinin yüksək səviyyədə olduğunu göstərir”, - sədr müavini bildirib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Azad edilmiş ərazilərin bərpası: xarabalıqdan dirçəlişə doğru - Təhlil

Dini Liderlərin Qlobal Sammitinin iştirakçılarının Qarabağa səfəri baş tutub - YENİLƏNİB