Rusiyanın xarici işlər naziri Sergey Lavrov iranlı həmkarı Abbas Araqçı ilə Suriyadakı vəziyyəti müzakirə edib.

“Report” xəbər verir ki, bu barədə Rusiyanın xarici siyasət idarəsinin mətbuat xidməti bildirib.

“30 noyabrda Rusiya Federasiyasının xarici işlər naziri Sergey Lavrov İran İslam Respublikasının xarici işlər naziri Abbas Araqçı ilə telefon danışığı aparıb. Söhbətin təşəbbüskarı İran tərəfi olub”, – XİN-in məlumatında qeyd olunub.

Bildirilib ki, telefon danışığı zamanı əsas diqqət Hələb və İdlib vilayətlərində “terror hücumları” da daxil olmaqla Suriyada vəziyyətin kəskinləşməsinə yönəlib. Tərəflər eskalasiya ilə bağlı ciddi narahatlıqlarını ifadə edib və Suriyanın suverenliyi və ərazi bütövlüyünə dəstəklərini təsdiqləyiblər.

Nazirlər vəziyyətin sabitləşdirilməsi üçün birgə səylərin artırılması barədə razılığa gəlib və “Astana formatı” çərçivəsində vəziyyətin təcili müzakirəsinin vacibliyini vurğulayıblar.

Xatırladaq ki, daha əvvəl Lavrov türkiyəli həmkarı Hakan Fidanla Suriyanı müzakirə etmişdi.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Ceyhun Bayramov və iranlı həmkarı Abbas Araqçi arasında telefon danışığı olub - YENİLƏNİB

AIFC-nin idarəedici direktoru: “Azərbaycan "yaşıl maliyyələşmə" üzrə regional liderə çevrilə bilər” - MÜSAHİBƏ

İran XİN başçısı Türkiyəyə səfər edəcək

Bakıda COP29-un Liderlər Sammitinin açılış mərasimi keçirilib - YENİLƏNİB-2