Almaniya üçün Çinlə əməkdaşlıq qarşıdurmadan daha üstündür, lakin Berlin Pekinin Rusiyaya verdiyi dəstəyi görməzlikdən gələ bilməz.

“Report” xəbər verir ki, bu barədə Almaniyanın xarici işlər naziri Annalena Berbok Berlində keçirdiyi mətbuat konfransında bildirib.

O qeyd edib ki, Almaniyanın təhlükəsizliyi dünyanın digər regionlarının təhlükəsizliyi ilə sıx bağlıdır və fikir mübadiləsi və diplomatiya indiki zamanda, hətta fərqli fikirlərə malik olanlarla belə xüsusilə vacibdir.

Berbok, Avropa dəyərlərinin və maraqlarının qorunmasının vacibliyini vurğulayaraq, əməkdaşlığın qarşıdurmadan daha üstün olduğunu əlavə edib.

Nazir Çin və Rusiya arasında əməkdaşlığın Avropanın maraqlarına zidd olduğu fikrini də bildirib. Onun sözlərinə görə, Çin BMT Təhlükəsizlik Şurasının daimi üzvü kimi qlobal təhlükəsizliyə görə məsuliyyəti öz üzərinə götürmək əvəzinə Rusiyaya iqtisadi və hərbi yardım etməklə Avropanın əsas maraqlarına zidd hərəkət edir.

Almaniyalı nazir bu məsələni Pekində müzakirə etmək niyyətində olduğunu təsdiqləyib və vurğulayıb ki, ikitərəfli münasibətlərdə belə faktlara göz yummaq olmaz.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

İqtisadi inkişafda davamlı artan rəqabətli iqtisadiyyatın rolu - ANALİZ

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3