Türkiyə Milli Müdafiə nazirliyi iyunun 20-də Türkiyədə keçirilən “Anadolu Qartalı- 2022” təliminə qatılacaq ölkələrin hazırlıq uçuşları ilə bağlı video yayımlayıb.
APA xəbər verir ki, bu barədə nazirlik “Twitter” səhifəsində paylaşım edib.
“2022 - ci il 20 iyun - 1 iyul tarixləri arasında həyata keçirilməsi planlaşdırılan “Anadolu Qartalı - 2022” təliminə qatılacaq Hərbi Hava Qüvvələrimizin təyyarələri ilə dost və müttəfiq ölkə təyyarələrinin Konyadakı 3-cü Əsas Jet Baza Komandanlığına təhvil verilməsinin görüntüləri”,- deyə paylaşımda qeyd olunub.