Bərdə rayonunda sakinlər sahibsiz küçə itlərinin çoxluğundan yaranan itqapma hallarına görə narahatdırlar. Onlar məsələ ilə bağlı müvafiq qurumlara müraciət etsələr də, heç bir nəticə əldə olunmayıb.

"İtlərin əlindən küçədə yerimək olmur, bir də görürsən ki, maşının altından, kolun dibindən çıxır, insanların üstünə cumur. Dəfələrlə demişik ki, bu sahibsiz itlərə kim baxırsa, götürüb aparsın. Uşaqlar küçədə gəzə, qadınlar suya gedə bilmirlər. Ağsaqqallar parkda dincələ bilmirlər", - Bərdə sakini narazılığını bildirib.

Bərdə Rayon Mərkəzi Xəstəxanasından bildirilib ki, təkcə iyul ayı ərzində itqapma halları ilə bağlı 86 müraciət daxil olub və onların hər birinə quduzluq əleyhinə vaksinlər vurulub.

Bərdə Rayon Heyvan Sağlamlığı və Baytarlıq Xidməti İdarəsindən qeyd edilib ki, itlərlə təmas nəticəsində baş verə biləcək xoşagəlməz nəticələrin minimuma endirilməsi üçün mübarizə tədbirləri aparılır: "Baytar həkimlərimiz itlərin daha sıx göründükləri yerlərdə - mal-qara satış bazarı və məişət tullantılarının atıldığı ərazilərdə aldadıcı yemlərin səpilməsini təşkil ediblər. İtqapma halları baş verdikdə, vətəndaşlara səhiyyə orqanlarına müraciət etmələri tövsiyə edilir".

Oxşar xəbərlər

Meymunçiçəyi virusu nədir, necə yayılır, COVID kimi pandemiyaya səbəb ola bilərmi?

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Bakıda kanalizasiya suları binanın zirzəmisinə dolur - VİDEO

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY

Azərbaycana meymunçiçəyi testləri və xəstəliyə qarşı lazımi dərman preparatları gətirilib