Bu gün artıq Şıx çimərliyi ərazisindən dənizə tullantı sularının birbaşa axıdılması müşahidə edilmir.
APA xəbər verir ki, bunu “Azərsu” ASC-nin Planlaşdırma və Layihələndirmə Departamentinin rəisi Bahadur Kəngərli deyib.
Onun sözlərinə görə, ərazidə müvafiq təmizləmə qurğuları tikilib:
“Şıx çimərliyi ərazisində müvafiq sahil kollektorları tikilib. Eyni zamanda, çimərlik ərazisində olan iaşə obyektlərinin də fərdi təmizləmə qurğuları var. Bu da dənizə birbaşa tullantı sularının axıdılmasının qarşısını tamamilə almaq deməkdir”.
