Porsche Bakı Mərkəzinin təşkilatçılığı ilə 11 saylı inteqrasiya təlimli internat məktəbinin şagirdləri üçün Baku City Karting-də (BCK) xüsusi tədbir keçirildi. Bu sosial məsuliyyət təşəbbüsü uşaqlara həm əyləncəli, həm də maarifləndirici bir gün bəxş etdi.

Tədbir çərçivəsində şagirdlər professional təlimçilər tərəfindən kartinqin qaydaları və təhlükəsizlik normaları barədə məlumatlandırıldılar. Daha sonra bütün təhlükəsizlik qaydalarına riayət olunmaqla karting avtomobillərini idarə etmək imkanı qazandılar.

Xüsusi qayğıya ehtiyacı olan və avtomobilləri müstəqil formada idarə edə bilməyən uşaqlar isə 2 nəfərlik karting avtomobillərində təcrübəli instruktorların idarəçiliyi altında sürüş təcrübəsini yaşadılar. Bu onların da karting həyəcanını bölüşməsinə imkan verdi.

"Bizim üçün uşaqların üzündə təbəssüm görmək ən böyük uğurdur. Porsche Bakı Mərkəzi olaraq belə layihələrlə gələcəkdə də gənclərin inkişafına və onların sosial inteqrasiyasına dəstək verməyə davam edəcəyik," - deyə Əfəndilər Qrupun İcraçı Direktoru Amal Əlili bildirib.

Bu təşəbbüs Porsche Bakı Mərkəzinin sosial məsuliyyət layihələri çərçivəsində icra olunub və məqsəd uşaqlara yeni təcrübələr qazandırmaqla yanaşı, onların həyat sevincini və özünəinamını artırmaqdır.

Qalereya

Oxşar xəbərlər

VII çağırış Milli Məclisin deputatları - SİYAHI

Milli Məclisə seçkilərdə lider namizədlərin adları açıqlanıb - YENİLƏNİB

Veb-kamera quraşdırılan seçki məntəqələrinin siyahısı açıqlanıb

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb