Niderland xərcləri azaltmaq məqsədilə 13 il əvvəl ləğv etdiyi özünün tamhüquqlu tank batalyonunu bərpa etməyə hazırlaşır.

“Far.Az” xəbər verir ki, bu barədə krallığın müdafiə naziri Ruben Brekelmans “X” sosial şəbəkəsində məlumat verib.

“Bu gün təhlükəsizliyimiz üçün tarixi gündür. Müasir tanklar müdafiə, mobillik və atəş gücünün unikal birləşməsini təklif edir. Məhz buna görə də orduda yenidən özümüzün tamhüquqlu tank batalyonunu olacaq”, - nazir yazıb.

“Army Recognition” portalının məlumatına görə, Niderlandın tank batalyonu Almaniyadan alınacaq təxminən 50 ədəd “Leopard 2A8” tankından ibarət olacaq. Bunun üçün illik xərclərin 260 milyon avro ilə 315 milyon avro arasında olacağı gözlənilir.

Xatırladaq ki, daha əvvəl Niderlandın müdafiə xərclərini 10%-dən çox artıracağı və NATO tərəfindən müəyyənləşdirilən ÜDM-in minimum 2 %-i həcmində müdafiə xərcləri ayrılması kvotasına çatacağı bildirilmişdi.

Oxşar xəbərlər

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Sentyabr ayının hava proqnozu açıqlanıb

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Rektor: Türkiyə-Azərbaycan Universitetindəki yeni nəsil təhsil sistemi interaktiv və ağıllı modeldir - MÜSAHİBƏ

Səfir: Qərb demokratiyası və parlamentarizm heç də ədalət və obyektivliyin sinonimi deyil - MÜSAHİBƏ