Vətən müharibəsi qazisi, ehtiyatda olan xüsusi təyinatlı qüvvələrin əməkdaşı Kamran İbrahimov Hadrut istiqamətindəki döyüş əməliyyatında iştirak edərkən yaşadıqlarını danışıb.

Baku TV-yə müsahibə verən K.İbrahimovun sözlərinə görə, əməliyyat zamanı əsas məqsəd Hadruta giriş istiqamətindəki yüksəkliyi ələ keçirmək olub:

"Hadrut azad edilsə də, avtomobillərimiz və texnikalarımız qəsəbəyə daxil ola bilmirdi. Ermənilər orada gizlənmişdilər. Tapşırıq gəldi ki, Hadruta giriş istiqamətindəki yüksəkliyi ələ keçirək. O yüksəklikdən Hadrut tam görünürdü. Həmin yerdə erməni qrupu mərkəzdən gələn texnikalarımızı vura bilirdilər".

Kamran İbrahimov bildirib ki, əraziyə səssiz basqın edərək düşmənin yerləşdiyi obyektə daxil olublar:

"Gördük ki, obyekt boşdur, amma qazın üstündə yeməklər isti, transformator və rabitə xətləri isə işlək vəziyyətdə idi. Başa düşdük ki, ermənilər biz əraziyə girməzdən təxminən bir saat əvvəl oranı tərk ediblər".

O, Hadrutda yaşadığı unudulmaz anı da bölüşüb:

"Ailə həyatı qurduğum zaman bəylik kürsümün arxasında asılan bayrağı həmişə çantamda daşıyırdım. Həmin bayrağı Hadrut yüksəkliyinə sancdıq".

Daha ətraflı süjetdə:

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4