İranda məhkəmədə güney azərbaycanlı ictimai fəal Mürtəza Pərvin müdafiə çıxışını Azərbaycan türkcəsində etdiyindən hakim onu fars dilinə tərcümə etdirməyə məcbur olub.

“Report” xəbər verir ki, məlumatı “Azad İran” teleqram kanalı yayıb.

Bildirilib ki, ictimai fəallar Mürtaza Pərvin, Səid Minai və Aydın Məhəmmədinin məhkəmə iclası keçirilib.

Məlumata görə, hazırda Tehrandakı Evin zindanında saxlanılan Mürtaza Pərvin, zaminə buraxılan Səid Minai və Aydın Məhəmmədinin məhkəmə iclası qəddarlığı ilə tanınan hakim Abbas Səlavatinin sədrliyi ilə keçib.

Bildirilib ki, onlara “ölkənin təhlükəsizliyini pozmaq məqsədilə toplaşmaq” və “dövlət quruluşu əleyhinə təbliğat aparmaq” kimi ittihamlar irəli sürülüb.

İnformasiyaya əsasən, Mürtəza Pərvin bəzi ittihamlarla bağlı bəraət alsa da, başqa “cinayətlərlə” əlaqədar “təqsirli” bilinir.

Oxşar xəbərlər

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Milli, etnik və dini düşmənçiliyin salınmasına hesablanmış anti-Azərbaycan şəbəkə

Milli, etnik və dini düşmənçiliyin salınmasına hesablanmış anti-Azərbaycan dəstə

Bir milyon manatdan çox dələduzluqla əlaqədar məhkəmədə bəraət alan şəxslə bağlı protest verilib

Türkmənçay müqaviləsinin yarıya böldüyü, Nəbatinin dəfn edildiyi Azərbaycan şəhəri - ARAŞDIRMA