Ukrayna ordusuna Niderlanddan verilən silahlarla Rusiyanın bütün ərazisində zərbələr endirməyə icazə verilib.

“Report” xəbər verir ki, bu barədə “Frankfurter Allgemeine Zeitung” məlumat yayıb.

Ölkənin müdafiə naziri Ruben Brekelmans bildirib ki, Ukrayna beynəlxalq hüquq normalarına uyğun olaraq müdafiə üçün Rusiya ərazisində Niderland silahlarından istifadə edə bilər.

“Ukraynanın özünümüdafiə hüququ var. Əgər bir ölkə sərhəd bölgələrindən və ya Rusiya aerodromlarından hücuma məruz qalırsa, o zaman hərbi obyektləri hədəfə ala bilər. Eyni şey düşmən raketlərinə də aiddir – onlar Rusiya üzərində bizim silahlarımızla zərərsizləşdirilə bilər”, – müdafiə qurumunun rəhbəri qeyd edib.

Brekelmans həmçinin əlavə edib ki, “beynəlxalq hüquq məsafə ilə məhdudlaşmır” və “özünümüdafiə hüququ sərhəddən 100 kilometr məsafədə dayanmır”.

“Biz Ukraynaya qarşı heç bir əməliyyat məsafəsi məhdudiyyəti tətbiq etməmişik”, – o vurğulayıb.

Nazirin sözlərinə görə, Rusiyaya zərbə endirmək icazəsi Niderlandın Ukraynaya təhvil verəcəyi F-16 qırıcılarına da birbaşa aiddir.

Bundan əlavə, Brekelmans digər Qərb ölkələrini Ukraynaya tədarük etdikləri silahların istifadəsinə qoyulan məhdudiyyətləri aradan qaldırmağa çağırıb.

Oxşar xəbərlər

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Azərbaycan Sərhəd Mühafizəsinin yaranmasından 105 il ötür

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Səfir: Qərb demokratiyası və parlamentarizm heç də ədalət və obyektivliyin sinonimi deyil - MÜSAHİBƏ

Zorakılıq qurbanlarını necə mühafizə edək? - ARAŞDIRMA