Azərbaycan Prezidenti İlham Əliyevin dekabrın 8-9-da Slovakiyaya rəsmi səfəri iki ölkə arasında əməkdaşlığın yeni, strateji mərhələyə keçdiyini göstərib.

Bratislavada Prezident İlham Əliyevin yüksək səviyyədə qarşılanması və mərasimdə fəxri qarovul dəstəsinin iştirakı Slovakiyanın Azərbaycana verdiyi xüsusi önəmin göstəricisi olub. Azərbaycan Prezidenti slovakiyalı həmkarı və nümayəndə heyətləri ilə birlikdə "Azadlıq Qapısı" abidəsini və Devin qəsrini ziyarət edib. Bu addım ikitərəfli münasibətlərin tarixi və mədəni aspektlərinin də gücləndirildiyini nümayiş etdirir.

Danışıqların əsas mövzusu enerji təhlükəsizliyi olub. Keçən il ilk dəfə olaraq Azərbaycan qazının Slovakiyaya tədarükü həyata keçirilib. Prezident İlham Əliyev vurğulayıb ki, Azərbaycan Slovakiyanın ehtiyaclarına uyğun olaraq istənilən həcmdə enerji resursları ilə təminat imkanına malikdir. Bu əməkdaşlığın davamlılığı Avropanın ümumilikdə enerji mənbələrinin şaxələndirilməsi baxımından mühüm əhəmiyyət daşıyır.

Növbəti mərhələdə nəqliyyat, müdafiə sənayesi, rəqəmsal inkişaf və "ağıllı kənd" layihələri üzrə əməkdaşlığın genişləndirilməsi nəzərdə tutulur. Bu sahələr üzrə tərəfdaşlıq həm iqtisadi əlaqələrin möhkəmlənməsinə, həm də texnoloji əməkdaşlığın dərinləşməsinə töhfə verəcək.

Mövzu ilə bağlı daha ətraflı Baku TV-nin videomaterialında:

Oxşar xəbərlər

Azərbaycan və Slovakiya prezidentləri Bratislavada "Azadlıq Qapısı" abidəsini ziyarət ediblər

İlham Əliyev və Peter Pelleqrini Bratislavada Devin qəsrində olublar

Bratislavada İlham Əliyevin rəsmi qarşılanma mərasimi olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib