ABŞ Azərbaycanla müdafiə və hərbi-texniki sahədə əməkdaşlığı genişləndirmək niyyətindədir.

"Far.Az" xəbər verir ki, bu barədə bu gün Azərbaycan Prezidenti İlham Əliyev və ABŞ-nin Vitse-prezidenti Cey Di Vensin imzaladığı Strateji Tərəfdaşlıq Xartiyasının mətnində qeyd olunub.

Bu baxımdan tərəflər:

- müdafiə məhsullarının tədarükü daxil olmaqla, müdafiə və hərbi-texniki əməkdaşlığın miqyasını genişləndirmək;

- terrorla mübarizəyə ümumi sadiqliyi nəzərə alaraq, bu sahədə mövcud əməkdaşlığı genişləndirmək;

- kibertəhlükəsizlik sahəsində potensialın artırılması və kritik infrastrukturun qorunması məqsədilə əməkdaşlıq etmək niyyətindədir.

Sənəddə qeyd olunur ki, Cənubi Qafqaz regionunda sülh Bakı və Vaşinqtonun ümumi maraqlarına cavab verir, Azərbaycan və ABŞ arasında təhlükəsizlik sahəsində əməkdaşlıq isə hər iki ölkəyə, eləcə də bütün regiona fayda gətirir.

Xartiyada Azərbaycanın sülhməramlı əməliyyatlarda iştirakı da yüksək qiymətləndirilir.

"Amerika Birləşmiş Ştatları Azərbaycanın beynəlxalq sülhməramlı səylərə verdiyi töhfəni yüksək qiymətləndirir. Bu səylər çərçivəsində Azərbaycan hərbçiləri beynəlxalq və regional təhlükəsizliyin möhkəmləndirilməsi məqsədilə amerikalı hərbçilər və koalisiya üzrə tərəfdaşlarla çiyin-çiyinə xidmət ediblər", - sənəddə qeyd olunur.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib