Cənubi Koreya Hərbi Dəniz Qüvvələrinin (HDQ) qərargah rəisi admiral Kan Don Gil 2024-cü ilin sonunda sabiq prezident Yun Sok Yol tərəfindən hərbi vəziyyətin elan edilməsində iştirak ittihamı ilə vəzifəsindən kənarlaşdırılıb.

"Far.Az" xəbər verir ki, bu barədə Cənubi Koreyanın "Yonhap" agentliyi Müdafiə Nazirliyinə istinadən məlumat yayıb.

Qeyd olunub ki, Kan bu vəzifəyə ötən ilin sentyabrında Li Çje Myon administrasiyası dövründə təyin edilmişdi.

Nazirlikdən bildirilib ki, cümə günü qəbul edilmiş qərardan sonra HDQ komandanı vəzifəsini komandanın müavini icra edəcək. Həmçinin əlavə edilib ki, Kan barəsində intizam tədbirlərinə baxılacaq.

Bundan əvvəl Cənubi Koreya Müdafiə Nazirliyinin hərbi vəziyyətin tətbiqinə kömək edən 180-ə yaxın hərbi qulluqçunu müəyyən etdiyi bildirilmişdi. İntizam tədbirləri ilə yanaşı, bu prosesdə əsas rol oynamış üç general və beş polkovnikə qarşı cinayət işi açılıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Nazirlikdən "Baku Electronics" MMC-yə məxsus mağazada YOXLAMA