Son dövrlərdə, xüsusilə bölgələrdə baş verən ardıcıl yanğın hadisələri ciddi narahatlıq doğurur. Statistik göstəricilərə əsasən, 2025-ci ildə qeydə alınan 1 522 yanğın hadisəsindən 1 085-i regionların, 437-si isə paytaxt Bakının payına düşüb.

Bəs ard-arda baş verən yanğınların əsas səbəbləri nələrdir?

Mövzu ilə bağlı Baku TV-nin hazırladığı videomaterialda mühüm məqamlara toxunulub.

Dövlət Yanğın Nəzarəti Xidmətinin rəis müavini Cəmil Xudiyevin sözlərinə görə, aparılan təhlillər göstərir ki, yanğınların 59,9 faizi yaşayış sektorunda baş verib.

Onun sözlərinə görə, yanğınların təxminən 20 faizi nəqliyyat vasitələrində qeydə alınıb. Digər 20 faiz isə ticarət, ictimai iaşə, istehsalat və digər təyinatlı sahələrin payına düşür.

Cəmil Xudiyev bildirib ki, yanğınların əsas səbəbləri sırasında elektrik təsərrüfatının istismarı zamanı yanğın təhlükəsizliyi və texniki istismar qaydalarına riayət edilməməsi xüsusi yer tutur. Bundan başqa, istilik cihazlarından düzgün istifadə olunmaması, qaz təsərrüfatında baş verən sızmalar, partlayışla nəticələnən yanğınlar, eləcə də qəsdən törədilən hadisələr də yanğınların başvermə səbəbləri sırasında yer tutur.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyev Ağdamda 2-ci yaşayış kompleksinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb