İsveçrə oktyabr ayında BMT Təhlükəsizlik Şurasına (TŞ) sədrlik edəcək.

"Far.Az"un ABŞ bürosu xəbər verir ki, İsveçrənin BMT-dəki daimi nümayəndəsi Paskalya Kristin Berisvil oktyabrda Şuranın gündəmi ilə bağlı BMT-nin Nyu-Yorkdakı qərargah binasında mətbuat konfransı keçirib.

P.Paskalya bildirib ki, ay ərzində Yaxın Şərqdə davam edən münaqişə ilə bağlı İsveçrənin xarici işlər nazirinin iştirakı ilə TŞ-da açıq iclas keçiriləcək. Bununla yanaşı, Liviya, Sudan, Suriya, Haiti, Somali və Ukraynadakı son vəziyyətlərlə bağlı xarici işlər nazirləri səviyyəsində iclaslar təşkil ediləcək. Eyni zamanda, diplomat ölkəsinin baş verəcək hər hansı fövqəladə vəziyyətlə bağlı ölkələrin istəyi əsasında iclaslar keçirməyə hazır olduqlarını bildirib: "Biz İran və İsrail arasında davam edən gərginliyi yaxından izləyirik və bölgədə davam edən bu vəziyyətdən narahatıq. Ölkələrin istəyi əsasında TŞ-da bu mövzu ilə bağlı da iclas keçirilə bilər".

Səfir əlavə edib ki, ay ərzində İsveçrənin ev sahibliyi ilə qadınların sülh və təhlükəsizlik mövzusunda rolu müzakirə ediləcək və qadın haqlarının qorunmasına dair sənədlərə baxılacaq.

Son vaxtlar BMT TŞ-da islahatların vacibliyi daha çox gündəmə gətirildiyini vurğulayan səfir bu mövzunun da oktyabrın ikinci həftəsində Şuranın gündəmində olacağını vurğulayıb. Bundan əlavə, oktyabrda İsveçrənin BMT-dəki daimi nümayəndəliyinin təşkilatçılığı ilə texnologiyanın insan həyatına təsirləri mövzusunda sərginin keçirilməsi də planlaşdırılır.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

BMT Təhlükəsizlik Şurasına rəhbərlik Sloveniyaya keçib

Daşkənddə Azərbaycan-Özbəkistan Ali Dövlətlərarası Şuranın birinci iclası keçirilib - YENİLƏNİB-2