Avropanın ən nüfuzlu klub turniri olan UEFA Çempionlar Liqasında bu gün mövsümün ən gərgin mərhələlərindən biri start götürür.

Far.Az xəbər verir ki, 1/4 finalın cavab qarşılaşmaları çərçivəsində ilk yarımfinalçıların adları müəyyənləşəcək.

Gecənin ən maraqla gözlənilən oyunlarından birində "Atletiko Madrid" öz meydanında "Barselona" ilə üz-üzə gələcək. İlk qarşılaşmada səfərdə 0:2 hesabı ilə uduzan kataloniyalılar bu dəfə Madrid səfərində möcüzəvi geri dönüş etməyə çalışacaq. Dieqo Simeonenin komandası isə azarkeşləri önündə üstünlüyünü qoruyaraq yarımfinala yüksəlmək niyyətindədir.

Digər cütlükdə isə "Liverpul" doğma "Enfild" stadionunda PSJ klubunu qəbul edəcək. İlk oyunda səfərdə 0:2 hesablı məğlubiyyət alan ingilislər çətin vəziyyətə düşsə də, öz meydanlarında möhtəşəm geri dönüşləri ilə tanınırlar. Buna baxmayaraq, son Çempionlar Liqasının qalibi olan PSJ cütün favoriti kimi göstərilir.

Oyun cədvəli (14 aprel):

23:00 - "Atletiko Madrid" - "Barselona" (ilk oyun: 2:0)

23:00 - "Liverpul" - PSJ (ilk oyun: 0:2)

Qeyd edək ki, 1/4 final mərhələsinin digər iki cavab qarşılaşması sabah keçiriləcək.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Torpaq almaq istəyənlər üçün YENİ XƏBƏR - Siyahı açıqlandı