Beynəlxalq Atom Enerjisi Agentliyinin (ABEA) rəhbəri Rafael Qrossi bəyan edib ki, ABŞ və İran arasında mümkün sazişə Tehranın nüvə proqramının yoxlanılması üzrə ətraflı tədbirlər daxil edilməlidir.

"Report" "Associated Press"ə istinadən xəbər verir ki, Qrossi bu barədə jurnalistlərə bildirib.

"İranın çox genişmiqyaslı və iddialı nüvə proqramı var, ona görə də ABEA müfəttişlərinin iştirakı tələb olunacaq. Əks halda münaqişə tərəflərində saziş olmayacaq, bu, yalnız saziş illüziyası olacaq", - Qrossi bildirib.

O əlavə edib ki, nüvə texnologiyaları sahəsində istənilən razılaşmalar "çox ətraflı yoxlama mexanizmlərini tələb edir".

AP qeyd edir ki, fevralda üzv ölkələr arasında yayılmış ABEA-nın məxfi hesabatına əsasən, İran 2025-ci ilin iyununda 12 günlük münaqişə zamanı İsrail və ABŞ tərəfindən zərbələrə məruz qalmış nüvə obyektlərinə agentliyin girişini təmin etməyib.

Oxşar xəbərlər

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub