Türkiyə dövlətinin diqqəti Türk Dövlətləri Təşkilatı (TDT) məkanında əməkdaşlığın dərinləşdirilməsi məqsədilə birgə layihə və proqramların həyata keçirilməsinə, o cümlədən turizm sahəsində təşəbbüslərə yönəlib.

"Far.Az"un Türkiyə bürosunun məlumatına görə, bu barədə Türkiyənin mədəniyyət və turizm naziri Mehmet Nuri Ersoy Ankarada keçirilən VII Beynəlxalq Səyahət və Turizm Dinamikası Konqresində çıxışı zamanı bildirib.

O, Ankaranın "Türk dünyasının turizm paytaxtı – 2026" elan olunmasını Türkiyə üçün qürur mənbəyi adlandırıb:

"Əminəm ki, cari ilin tədbirlər proqramı türk dünyası ilə əlaqələrin möhkəmlənməsinə töhfə verəcək. Bu isə bizim üçün strateji məqsəddir. Bu vəzifə Türkiyənin bir çox dövlət proqramlarında da öz əksini tapıb".

Nazirin sözlərinə görə, turizm yalnız iqtisadiyyatın bir hissəsi deyil, eyni zamanda ölkələrin mədəniyyətinin, dilinin və ənənələrinin təbliği üçün mühüm vasitədir.

"Nəticə etibarilə, qardaş dövlətlərin sıx əməkdaşlığı sayəsində TDT ölkələrinin turizm sənayesi qlobal istirahət və səyahət sistemində daha layiqli yer tutacaq", – deyə nazir qeyd edib.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Televiziyada nəyə baxırıq? - Proqramların janr bölgüsü açıqlanıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN