Livan ərazisində 10 günlük atəşkəs rejimi qüvvəyə minib.

"Far.Az" xəbər verir ki, bu barədə İsrail Müdafiə Qüvvələrinin (İMQ) ümummilli radiostansiyası məlumat yayıb.

"İsrailin şimal rayonlarına endirilən bir neçə saatlıq fasiləsiz zərbələrin ardınca Livanda müvəqqəti atəşkəs rejimi rəsmən qüvvəyə minib", - radiostansiya bildirib.

Rəsmi olaraq atəşkəs Şərq yay vaxtı ilə aprelin 16-sı saat 17:00-da (Bakı vaxtı ilə aprelin 17-si saat 01:00-da) qüvvəyə minməli idi.

Bundan təxminən bir saat əvvəl İMQ-nin mətbuat xidmətindən bildirilib ki, ordu bölmələri "hazırda" Livanın "Hizbullah" radikal qruplaşmasının İsrailin şimalındakı yaşayış məntəqələri istiqamətində raketlər buraxdığı qurğulara hücum edir. İsrail mediasının məlumatına görə, radikallar ən azı 25 raket və üç dron buraxıblar.

ABŞ Prezidenti Donald Tramp aprelin 16-da bildirib ki, İsrail və Livan Şərq vaxtı ilə saat 17:00-dan etibarən 10 günlük atəşkəs rejiminin tətbiq edilməsi barədə razılığa gəlib. Daha sonra ABŞ Dövlət Departamenti qeyd edib ki, atəşkəs tərəflər arasında birbaşa danışıqların davam etdirilməsi və regionda gərginliyin azaldılması üçün şəraitin yaradılmasına yönəlib.

Oxşar xəbərlər

İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

ABŞ vitse-prezidentinin Azərbaycana səfəri dünya mediasının diqqətindədir

İlham Əliyev Ağdamda 2-ci yaşayış kompleksinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN