"Qarabağ və Şərqi Zəngəzur bölgələrində biz sadəcə əraziləri yenidən qurmuruq. Çünki yenidənqurma yalnız yolların və binaların inşası deyil, bu, imkanların və gündəlik həyatın yenidən qurulmasıdır".

BAKU.WS oxu.az-a istinadən xəbər verir ki, bunu gənclər və idman nazirinin müavini Fərhad Hacıyev Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunan Uşaq və Gənclər Assambleyasında deyib.

Nazir müavini bildirib ki, bu gün Azərbaycan həmin ərazilərdə yüzlərlə yaşayış məntəqəsi inşa edib:

"Biz yaşamaq, işləmək, təhsil almaq və inkişaf etmək anlayışını yaşıl enerji, rəqəmsal innovasiya və insan mərkəzli şəhərsalma vasitəsilə yenidən formalaşdırırıq. Bu gün artıq minlərlə insan yenidən canlandırılan bu ərazilərdə yaşayır, çalışır və təhsil alır. Mədəni irsin qorunması, ənənələrin yaşadılması və sosial həmrəyliyin gücləndirilməsi dayanıqlı şəhər inkişafının vacib hissəsidir".

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Media nümayəndələri üçün WUF13 haqqında məlumatlandırma sessiyası keçirilib

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

FHN WUF13-ə hazırlıq çərçivəsində otellərdə təlimlər keçirib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN