Vaşinqtonda, Ağ Evin yaxınlığında atışma baş verib, bundan sonra ABŞ Məxfi Xidməti jurnalistləri müvəqqəti olaraq təxliyə edib və təhlükəsizlik tədbirlərini gücləndirib.

"Far.Az" xəbər verir ki, bu barədə Amerika KİV-ləri məlumat yayıb.

"CNN"in məlumatına görə, Məxfi Xidmət Ağ Ev kompleksinin yaxınlığında yerləşən XVII küçə ilə Pensilvaniya prospektinin kəsişməsində atışma barədə məlumatları araşdırıb. Hadisədən sonra Ağ Evdə silahlı agentlər aşkar edilib və mətbuat brifinqi otağı müvəqqəti olaraq bağlanıb.

"DC News Now" müxbiri Kris Flanaqan ABŞ Prezidenti Donald Trampın hadisə zamanı Ağ Evdə olduğunu bildirib.

Daha sonra "PBS" öz müxbiri Liz Landerə istinadən prezidentin xəsarət almadığını və sağ-salamat olduğunu yayımlayıb.

"Fox News"un məlumatına görə, Ağ Evdəki insident həll edilib və silahlı şəxs zərərsizləşdirilib. Kanal qeyd edib ki, o, prezident iqamətgahının təhlükəsiz ərazisinə daxil ola bilməyib və yalnız onun perimetrinə yaxınlaşıb.

Atışmada iki nəfərin - şübhəli silahlı və çox güman ki, ətrafda olan bir nəfərin yaralandığı bildirilir.

Federal Təhqiqat Bürosunun direktoru Keş Patel bildirib ki, FTB əməkdaşları hadisə yerinə gəlib və Məxfi Xidmətə dəstək verirlər. O əlavə edib ki, yeni xəbərlər əldə olunduqca ictimaiyyətə məlumat veriləcək.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev Yevlax Olimpiya İdman Kompleksinin açılışında iştirak edib

İlham Əliyev Vaşinqtonda Sülh Şurasının ilk iclasında iştirak edib

Ağ Evin yanında atışma: Silahlı şəxs zərərsizləşdirilib, Tramp təhlükəsiz ərazidədir