Qurban bayramına sayılı günlər qaldıqca qurbanlıq heyvan bazarlarında canlanma müşahidə olunur. Mütəxəssislər və din xadimləri bildirirlər ki, qurbanlıq seçərkən həm dini qaydalara, həm də heyvanın sağlamlıq vəziyyətinə xüsusi diqqət yetirilməlidir.

BAKU.WS xəbər verir ki, mütəxəssislərin sözlərinə görə, qurbanlıq heyvan ilk növbədə sağlam və aktiv olmalıdır. Heyvanın gözlərində axıntı, bədənində yara, axsama və ya ciddi zəiflik müşahidə olunmamalıdır. Xəstə və ya fiziki qüsurlu heyvanların qurban kəsilməsi düzgün hesab edilmir.

Qurbanlıq üçün əsasən qoyun, keçi, inək və dəvə seçilir. Qoyun və keçinin ən azı bir yaşında, inək və camışın isə iki yaşını tamamlaması vacib sayılır.

Baytarlar həmçinin vətəndaşlara qurbanlıq heyvanları yalnız rəsmi satış məntəqələrindən almağı tövsiyə edirlər. Bildirilir ki, həmin məntəqələrdə heyvanlar baytarlıq nəzarətindən keçirilir və sağlamlıq vəziyyətləri yoxlanılır.

Ekspertlər isti havalarda heyvanların saxlanma şəraitinə də diqqət yetirilməsinin vacib olduğunu vurğulayırlar. Onların sözlərinə görə, düzgün qulluq edilməyən heyvanlarda müxtəlif xəstəlik riski arta bilər.

Qeyd edək ki, Qurban bayramı günlərində ölkənin müxtəlif bölgələrində xüsusi qurbanlıq satış yarmarkalarının təşkili nəzərdə tutulur.

Oxşar xəbərlər

"Dəvə qutabı" adı ilə müştərilər aldadılır: Paytaxt restoranları ilə bağlı İDDİA

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Gələcəyə ümidlə baxan uşaqların sağlamlıq arzusu burada gerçəkləşə bilər

"Rövşənoğlu Agro" - "YARA" şirtkəti ilə birgə yerli fermerlər üçün ixtisaslaşmış seminar təşkil etdi

Amnistiya aktı məntəqə tipli cəzaçəkmə müəssisəsində icra olunub