Anqolanın şimal-qərbində qanunsuz qızıl hasilatı aparılan mədəndə torpaq sürüşməsi nəticəsində azı 28 nəfər həlak olub.

"Far.Az" xəbər verir ki, bu barədə hadisənin baş verdiyi Benqo əyalətinin rəhbərliyinə istinadən Anqola İnformasiya Agentliyi məlumat yayıb.

Məlumata görə, dörd nəfəri xilas etmək mümkün olub. Benqo polisinin rəsmi nümayəndəsi Qaşpar Luis İnasiu bildirib ki, həlak olanların hamısı 18-40 yaşlı kişilərdir.

Şahidlərin sözlərinə görə, faciəyə təpədən böyük torpaq qatının qəfil sürüşməsi səbəb olub. Həmin qat mədənin üstünü örtərək, içəridə olan insanların böyük dərinlikdə çıxış yolunu bağlayıb.

Xilasedici briqadalar axtarış-xilasetmə işlərini davam etdirir. Rəsmi olaraq iki nəfərin itkin düşdüyü bildirilir, lakin sakinlər yerin altında 70-dək insanın ola biləcəyini iddia edirlər.

İlkin məlumata görə, torpaq sürüşməsinə Anqolanın bu hissəsində artıq ardıcıl üçüncü gündür yağan güclü yağışlar səbəb ola bilər.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Həyatda yaxşı şeyləri niyə görmürük? - Tanınmış simaların FİKİRLƏRİ

Bakıda obyektdə güclü PARTLAYIŞ - 7 nəfər xilas edilib, yaralılar var