Son günlər müşahidə olunan dəyişkən hava şəraiti – gün ərzində həm yağışın yağması, həm də günəşli havanın olması bir çox insanın səhhətinə mənfi təsir göstərir.

Həkimlərin sözlərinə görə, temperaturun tez-tez dəyişməsi xüsusilə meteohəssas insanlarda halsızlıq, baş ağrısı və təzyiq problemlərinə səbəb ola bilər. Ani hava dəyişiklikləri immun sistemini zəiflədərək soyuqdəymə və virus infeksiyalarına yoluxma riskini də artırır.

Mütəxəssislər bildirirlər ki, belə havalarda oynaq ağrıları, miqren tutmaları və yuxu pozuntuları da daha çox müşahidə olunur. Xroniki xəstəlikdən əziyyət çəkən şəxslər, yaşlılar və uşaqlar dəyişkən hava şəraitindən daha çox təsirlənirlər.

Kardioloqlar temperatur fərqlərinin ürək-damar sisteminə əlavə yük yaratdığını vurğulayırlar. Bu səbəbdən təzyiq xəstələrinin özlərini qoruması və dərmanlarını vaxtında qəbul etməsi tövsiyə olunur.

Həkimlər dəyişkən hava şəraitində vətəndaşlara geyim seçiminə diqqət etməyi, kifayət qədər maye qəbul etməyi və immuniteti gücləndirən qidalarla qidalanmağı məsləhət görürlər.

Oxşar xəbərlər

Tanınmış kardioloqlar, kardio-onkoloqlar, eləcə də süni intellekt və robot texnologiyaları üzrə mütəxəssislər bir arada

Ağsu dolaylarındakı son durum: Sürüşmə riskini azaltmaq üçün tədbirlər görülür

Həyatda yaxşı şeyləri niyə görmürük? - Tanınmış simaların FİKİRLƏRİ

"Günəşli" sağlamlıq mərkəzində müalicə və istirahət şəraiti yaxşılaşdırılıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN