Kardioloq uzun və sağlam ömür sürməyin əsas amillərini açıqlayıb.

Far.Az xəbər verir ki, mütəxəssisin sözlərinə görə, uzunömürlülüyün ilk şərti müntəzəm və orta səviyyəli fiziki aktivlikdir.

Qaçış, velosiped sürmək və ya sürətli gəzinti kimi fəaliyyətlər sağlamlığın qorunmasına kömək edir.

Həkim qeyd edib ki, uzun ömür üçün ağır məşqlər və ya sərt pəhrizlər vacib deyil.

İkinci mühüm amil keyfiyyətli yuxudur. Gecə ərzində oyanmadan 7-8 saat yatmaq orqanizmin normal fəaliyyəti üçün böyük əhəmiyyət daşıyır. Bildirilir ki, gündə 6 saat və ya daha az yatmaq gələcəkdə yaddaş və idrak problemlərinin yaranması riskini artıra bilər.

Üçüncü vacib məqam qidalanma ilə bağlıdır. Həkim emal olunmamış qidalara, xüsusilə çiy tərəvəzlərə üstünlük verməyi tövsiyə edib. Eyni zamanda, əlavə şəkərdən və konservantlarla zəngin məhsullardan mümkün qədər uzaq durmağın sağlam yaşlanmaya müsbət təsir göstərdiyini vurğulayıb.

Xatırladaq ki, daha əvvəl portuqaliyalı futbol ulduzu Kriştiano Ronaldo da idman karyerasının uzun sürməsinin əsas sirrinin sağlam yuxu olduğunu bildirmişdi. O, adətən gecə yarısı yatdığını və səhər saat 08:30-da oyandığını açıqlamışdı.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakının mərkəzində milli geyimlərdə gəzinti-yürüş təşkil olunub