Dini Qurumlarla İş üzrə Dövlət Komitəsinin sədri Ramin Məmmədov Lerik şəhər Cümə məscidini ziyarət edib.

Bu barədə "Report"a komitədən məlumat verilib.

Qeyd edilib ki, sədr məsciddə fəaliyyət göstərən dini icmanın üzvləri ilə görüşüb. Söhbət zamanı dini qurumların yerli ictimai mühitdəki rolu, din xadimlərinin cəmiyyətdə sağlam mənəvi atmosferin formalaşdırılmasına dəstəyi və bu sahədəki fəaliyyətin müasir dövrün çağırışları fonunda əhəmiyyəti müzakirə olunub.

Ramin Məmmədov bildirib ki, Prezident İlham Əliyevin rəhbərliyi ilə ölkədə dini etiqad azadlığının təmin olunması, icmaların fəaliyyətinin dəstəklənməsi və konfessiyalararası həmrəyliyin möhkəmləndirilməsi istiqamətində ardıcıl siyasət həyata keçirilir. Vurğulanıb ki, dini qurumlar cəmiyyətin mənəvi həyatının ayrılmaz hissəsi olmaqla yanaşı, insanları ortaq dəyərlər ətrafında birləşdirən və ictimai həmrəyliyin möhkəmlənməsinə töhfə verən mühüm təsisatlardır.

Görüşdə, həmçinin dini sahədəki aktual məsələlər ətrafında fikir mübadiləsi aparılıb, təklif və müraciətlər dinlənilib.

Oxşar xəbərlər

Qarabağ Universitetində "Mənəvi dəyərlər" günü keçirilib

İlham Əliyev Zəngilanda ilk yaşayış kompleksinə köçən ailələrlə görüşüb

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Prezident Ərəb Koordinasiya Qrupuna üzv qurumların rəhbər şəxslərini qəbul edib