19 azərbaycanlı tələbə “AMOR Əlaçı Təqaüdü”nü qazanıb - FOTO

Heydər Əliyev Fondunun vitse-prezidenti, Rusiya Azərbaycanlı Gənclər Birliyinin (AMOR) fəxri sədri Leyla Əliyevanın təşəbbüsü ilə keçirilən “AMOR Əlaçı Təqaüdü” müsabiqəsində bu il 19 azərbaycanlı tələbə qalib gəlib.

BAKU.WS-in məlumatına görə, müsabiqə çərçivəsində Rusiyanın ali təhsil müəssisələrindəki əlaçı azərbaycanlı tələbələrə təhsil xərclərinin qarşılanması üçün maliyyə dəstəyi göstərilir.

Xatırladaq ki, təhsildə fərqlənən tələbələrə hərtərəfli dəstək və qayğı göstərmək, gənclərin təhsilə olan marağını artırmaq məqsədilə təşkil olunan müsabiqə 2009-cu ildən etibarən uğurla həyata keçirilir və bu günədək 453 tələbəni əhatə etmişdir.

Agentlik: Hicablı müəllimlərin müsahibə mərhələsindən kəsilməsi iddiaları əsassızdır

Universitetlərə qəbul olanlar üçün qeydiyyat başlayıb

Hansı hallarda xaricdə təhsil alanların diplomları tanınır?

Son illər ölkəmizdə xaricdə təhsilə maraq günü-gündən artır. Xüsusən də xarici universitetlərə tək attestatla qəbul imkanı gəncləri özünə cəlb edir. Lakin təəssüflər olsun ki, xaricdə təhsil alan tələbələrin bir çoxunun diplomu ölkəmizdə tanınmır.

Far.Az-in məlumatına görə, ölkəmizdə bəzi xarici universitetlərə qəbul həyata keçirən qurumlar gəncləri əmin edirlər ki, təhsil ocağının diplomu beynəlxalq dərəcəlidir və həm Azərbaycanda, həm də dünyada tanınır. Üstəlik tədris də cəlbedici görünür - qəbul prosesi sadə, illik ödəniş 500-700 manat, ölkəni tərk etmədən xaricdə təhsil ala bilirsən.

Bəs görəsən, Rusiya, Türkiyə və digər ölkələrin universitetlərində qiyabi təhsil alıb diplomu ölkəmizdə tanıtmaq mümkündürmü?

Məsələ ilə bağlı Far.Az-in əməkdaşı Təhsildə Keyfiyyət Təminatı Agentliyi (TKTA) sorğu ünvanladı.

Qurumun mətbuat xidmətindən bildirildi ki, xarici dövlətlərdə əldə edilmiş ali təhsilə aid kvalifikasiyaların tanınması Azərbaycan Respublikası Prezidentinin 2023-cü il 18 avqust tarixli 2306 nömrəli Fərmanı ilə təsdiq edilmiş “Xarici dövlətlərin ali təhsilə aid kvalifikasiyalarının tanınması Qaydaları” na uyğun olaraq Azərbaycan Respublikası Elm və Təhsil Nazirliyinin (bundan sonra – Nazirlik) tabeliyində Təhsildə Keyfiyyət Təminatı Agentliyi (bundan sonra – Agentlik) tərəfindən həyata keçirilir.

Qaydalara əsasən tanınmanın həyata keçirilməsi zamanı Azərbaycan Respublikasının Konstitusiyası, Azərbaycan Respublikasının tərəfdar çıxdığı beynəlxalq müqavilələr, “Təhsil haqqında” Azərbaycan Respublikasının Qanunu, Azərbaycan Respublikasının digər qanunları, bu Qaydalar, Azərbaycan Respublikası Prezidentinin digər fərmanları, həmçinin sərəncamları, Azərbaycan Respublikası Nazirlər Kabinetinin qərar və sərəncamları, habelə Azərbaycan Respublikasının digər normativ hüquqi aktlarının tələbləri nəzərə alınır:

"Müraciətinizdə qeyd etdiyiniz məsələlərlə ilə bağlı bildiririk ki, Azərbaycan Respublikası Prezidentinin 2023-cü il 18 avqust tarixli 2306 nömrəli Fərmanı ilə təsdiq edilmiş “Xarici dövlətlərin ali təhsilə aid kvalifikasiyalarının tanınması Qaydaları” 4-cü hissəsinə əsasən sənədin əldə olunduğu təhsil müəssisəsinin fəaliyyət göstərdiyi ölkədə səlahiyyətli keyfiyyət təminatı qurumu tərəfindən akkreditasiyadan keçməsi və dövlət lisenziyasının olması, sənədin autentik (həqiqi) olması; sənədin aid olduğu təhsil səviyyəsinin göstərilməsi və bu səviyyənin Milli Kvalifikasiya Çərçivəsinə uyğunluğu,nəzərdə tutulmuş təhsilin normativ müddətinin azı yarısı qədər təhsil aldığı ölkənin ərazisində olması tədris müddətinin azı üçdə ikisində ənənəvi təlim metodlarına əsaslanan formal təhsilin əldə olunması tanınmaya dair tələblərə aid edilmişdir.

“Təhsil haqqında” AR Qanununun 13-cü maddəsində qeyd olunur ki, Azərbaycan Respublikasında aşağıdakı təhsilalma formaları müəyyən edilir:

- əyani;

- qiyabi;

- distant (məsafədən);

- sərbəst (eksternat).

Göründüyü kimi Azərbaycan Respublikasının “Təhsil haqqında” Qanunun 13-cü maddəsində təhsilalma formaları arasında “açıköğretim” təhsilalma forması müəyyən edilməmişdir. Habelə, bu formada tədris, Qaydaların ənənəvi təlim metodlarına əsaslanan formal təhsilin təşkili üzrə tanınmaya dair tələblə uyğunsuzluq təşkil etməkdədir.

Nəticə etibarilə, Türkiyə Respublikasında “açıköğretim” formasında əldə olunan təhsil kvalifikasiyalarının tanınması zamanı bir qayda olaraq imtina qərarları verilir".

O da bildirilib ki, xarici universitetdə qiyabi təhsil alan tələbə ən azı imtahan sessiyalarında təhsil aldıqları ölkədə olmadır ki, diplomu tanına bilsin:

"Qiyabi təhsilalma forması “Təhsil haqqında” AR Qanunun 13-cü maddəsində öz əksini tapmışdır və bu təhsilalma formasının mövcud olduğu ölkələrdə əldə edilən kvalifikasiyaların tanınması zamanı ərizəçilərin Azərbaycan Respublikasının təhsil sistemini tənzimləyən normativ hüquqi aktlara əsasən sessiya və imtahanlarda iştirak üçün xarici ali təhsil aldıqları ölkədə olmaqları tanınmaya dair tələblər arasında əks olunmuşdur.

Bununla bağlı qeyd etmək zəruridir ki, Türkiyə Respublikası və Gürcüstan təhsil sistemini tənzimləyən hüquqi aktlarda ümumiyyətlə “qiyabi” təhsilalma formasında tədris nəzərə tutulmamışdır.

Yekun olaraq qeyd etmək istərdik ki, “İnzibati icraat haqqında” Azərbaycan Respublikasının Qanunu və İnzibati Prosessual Məcəlləsinin müvafiq normalarına əsasən vətəndaşlar tanınma icraatı nəticəsində verilmiş qərarlardan inzibati və məhkməmə qaydasında şikayət verilə bilər".

Azərbaycan millisi beynəlxalq "Technoxian-2024” robot yarışında dünya çempionu olub - VİDEO

Robotexnika üzrə Azərbaycan milli komandası Hindistanın Yeni Dehli şəhərində gənclər və yeniyetmələr arasında keçirilən "Technoxian-2024” dünya robot çempionatının finalında ən yüksək nəticəni göstərərək dünya çempionu olub.

Bu barədə Azərbaycan Respublikasının Gənclər və İdman Nazirliyindən bildirilib.

Ümumilikdə 8 komanda ilə mübarizə aparan milli komanda “RC Craft” kateqoriyası üzrə 1 qızıl, ”FPV Drone” və “Drone Soccer” kateqoriyaları üzrə isə 2 bürünc medalın sahibi olub. Ümumi ölkə sıralamasına görə Azərbaycan ən yüksək nəticə ilə dünya miqyasında birinci yeri tutub.

Pulsuz yemək, ödənişsiz yataqxana

Bir çox ölkələrdə tələbələrə müəyyən güzəştlər olunur. Məsələn, perspektivi olan tələbələrə illik ödənişin minimuma endiriliməsi və ya ləğv edilməsi, universitetin yeməkxanasında pulsuz və ya minimum qiymətə qidalanma və s. Eyni zamanda, ictimai nəqliyyatdan istifadədə minimum qiymətlər və ya pulsuz istifadə bir çox ölkələrdə tətbiq olunur. Bəs Azərbaycanda tələbələrlə bağlı vəziyyət nə dərəcə ürəkaçandır?

Təhsil eksperti Rizvan Fikrətoğlu isə bildirib ki, bu kimi güzəştlər universitetlərin daxili məsələləridir:

“Gələcəkdə düşünülür ki, tələbələr üçün ictimai nəqliyyatdan istifadədə müəyyən güzəştlər olunsun. Ancaq hazırda tələbə üçün ictimai nəqliyyat ödənişlidir. Düşünürəm ki, ən azında ictimai nəqliyyatdan istifadənin ödənşsiz olması tələbənin maddi yükünə az da olsa, müsbət təsir edəcək. Bunun üçün təkcə Təhsil Nazirliyi yox, universitetlər də müəyyən addımlar atmalıdır.”

BAKU.WS xəbər verir ki, mövzu ilə bağlı bəzi universitetlərin mətbuat xidmətləri açıqlama verib. Onlar tələbələrə hansı güzəştlərin edildiyi və gələcəkdə edilib-edilməməsinin mümkünlüyü haqqında söz açıblar.

Azərbaycan Memarlıq və İnşaat Universitetinin mətbuat katibi Nicat Abdullayev bildirib ki, universitetdə 11 minə yaxın tələbə təhsil alır, 60%-i dövlət hesabınadır:

“Azərbaycan Respublikasının qanunvericiliyən əsasən təhsil haqqının universitet tərəfindən ləğv olunması kimi hüquqi prossedur yoxdur. Ancaq müəyyən şəkildə - universitetin daxili büdcəsi hesabına illiyin ödənilməsi əvəzlənə bilər.

Bizim universitetlə partnyor olan şirkətlərə ictimai fəaliyyətdə fəal olan, təhsildə böyük nailiyyətlər əldə etmiş, sosial cəhətdən ehtiyacı olan tələbələrin adlarının siyahısı göndərilir. Onlar da tələbələrin təhsil haqqlarını, müəyyən ehtiyaclarını qarşılayırlar. Rəhbərlik səviyyəsində də bu prosseslər həyata keçirilir və nəzarət olunur.

Universitetdə 50-ə yaxın tələbə universitetin yeməkxanasında pulsuz qidalanırlar. Bu prosses isə onların ictimai təşkilatlara müraciəti əsasında olunur. Belə ki, onlara xüsusi talonlar verilir ki, bu da onların pulsuz qidalanması üçün yeməkxanaya təqdim etdiyi vərəqədir.

Tələbələrin ictimai nəqliyyatdan istifadəsi üçün Təhsil Nazirliyinə müraciət etmək kimi bir mexanizm yoxdur. Amma düşünürəm ki, bununla bağlı müəyyən müzakirələr gedir. Belə bir şey həyata keçərsə, bizim universitet də müəyyən addımlar atacaq.

Qeyd etmək istərdim ki, AZMİU-nun yataqxanası ölkənin ən böyük yataqxana komplekslərindən biri olub. Ancaq 90-cı illərdə məcburi köçkünlərin bir qismi həmin yataqxanalaraq yerləşdirilmişdi. Yalnız bir korpusumuza tələbələri yerləşdirmək mümkün olub. Onların da 20%-i ödənişsiz şəkildə həmin yataqxanada qalırlar. Ümumilikdə 400-ə yaxın tələbə həmin korpusa yerləşdirilib. Onlar bütün lazımi şəraitlə təmin olunublar.”

Azərbaycan Texniki Universitetinin ictimaiyyətlə əlaqələr şöbəsinin müdiri Sevinc İsgəndərova isə bildirib ki, AzTU-da tələbələrin maddi vəziyyətinə uyğun olaraq, təhsil haqqının hissə-hissə ödənilməsinə imkan yaradılır:

“AzTU yeməkxanasında qiymətlər eynitəyinatlı obyektlərdə təqdim olunan qiymətlərdən kifayət qədər aşağıdır. Qiymətlərin münasib olması rəhbərliyin nəzarətindədir. İctimai nəqliyyatın tələbələr üçün ödənişsiz olub olmaması isə universitetin səlahiyyətlərinə aid olan məsələ deyil. AzTU-nun yataqxana binalarında 1988-1990-cı illərdə qaçqın və məcburi köçkün ailələri məskunlaşıb. Son illər binalarda 124 ailə yaşayırdı. Torpaqlarımız işğaldan azad edildikdən sonra 10 ailə öz doğma yurd-yuvalarına köçürülüb. Qalan 114 ailə hazırda binalarda yaşayır. Köçürülmə prosesi tam yekunlaşdıqdan sonra yataqxananın təmir olunması və ya sökülərək yenidən tikilməsi ilə bağlı qərar veriləcək. Daha sonra isə tələbələrin istifadəsinə veriləcək.”

Azərbaycan Tibb Universitetinin mətbuat katibi Günel Aslanova isə bildirib ki, universitetlərindəki demək olar bütün tələbələr perspektivlidir:

“Prezident təqaüdçülərimiz də çoxluq təşkil edir. Ancaq universitet həyatında elmi işləri ilə bağlı uğur əldə etmiş tələbələrə xaricə getmək şansı yaradıb. Universitet həmin tələbələrin elmi işlərinin tanınması üçün onların bütün xərclərini qarşılayır. İl ərzində bu kimi tələbələr müxtəlif xarici ölkələrə göndərilir. Bu da təbii ki, universitet hesabınadır. Qeyd etmək istəyirəm ki, bir qrup tələbə sentyabr ayında Niderlandın paytaxtı Amsterdama göndəriləcək.

Şəhid ailələrində olan və valideyn himayəsindən məhrum olan tələbələr yataqxanaya ödənişsiz yerləşdirilir. Qazi uşaqlarına və I qrup əlil valideyini olan tələbələrə də müəyyən güzəştlər edilir.”

Agentlik xaricdə təhsil şirkətləri ilə bağlı çağırış etdi

Təhsildə Keyfiyyət Təminatı Agentliyi xaricdə təhsil sahəsində, o cümlədən tanınma prosedurları ilə bağlı heç bir şirkətlə əməkdaşlıq etmir və bu şirkətlərin fəaliyyətlərinə görə heç bir məsuliyyət daşımır.

Bu barədə BAKU.WS-ə agentlikdən verilən məlumatda bildirilib.

Qeyd edilib ki, iddiaçılara hər hansı şirkət və ya şəxslər tərəfindən verilən vəd tanınma müddətində heç bir rol oynamır və belə hallarla rastlaşdığınız təqdirdə Təhsildə Keyfiyyət Təminatı Agentliyinin "Qaynar xətt” xidmətinə (146-8) və ya [email protected]ünvanına məlumat verməkləri xahiş edilir.

600-dən yuxarı bal toplayan abituriyent niyə universitetə qəbul ola bilməyib? - RƏSMİ

Sosial şəbəkələrdə Azərbaycanda I qrup üzrə qəbul imtahanında 658 bal toplayan oğlan və 630 bal yığan qızın müsabiqədən keçə bilməməsi ilə bağlı məlumatlar yayılıb. Bu xəbər bir neçə gündür ki, müzakirə mövzusudur. Bəs reallıq nə yerdədir?

BAKU.WS xəbər verir ki, Oxu.az məsələ ilə bağlı Dövlət İmtahan Mərkəzinə sorğu ünvanlayıb.

Qurumun şöbə müdiri Xanlar Xanlarzadə saytımıza açıqlamasında bildirib ki, I qrup üzrə 620-630 bal aralığında bir nəfər müsabiqədən kənarda qalıb:

"II qrupda belə bir abituriyent yoxdur. III qrup üzrə 610 bal aralığında bir nəfər ali təhsil müəssisəsinə qəbul olmayıb. IV qrup üzrə də elə bir abituriyent yoxdur ki, 600 üzəri bal toplasın, amma ali təhsil müəssisəsinə qəbul olmasın.

I qrup üzrə müsabiqədən kənarda qalan abituriyent yalnız ödənişsiz yeri seçib. Onun ərizəsində başqa yerləri də seçmək imkanı var idi. Bu, abituriyentin şəxsi təşəbbüsüdür. Situasiyanı bilmirik, bu məsələ ilə bağlı DİM-ə müraciət etməyiblər. Kimsə şəxsi seçim edirsə, onu səhv kimi dəyərləndirmək doğru deyil. Burada məntiqli seçim olub, yanlışlıq yoxdur".

Bu tarixdə şagirdlərin yerdəyişməsi prosesi dayandırılacaq

Şagirdlərin elektron yerdəyişməsində valideynlər üçün

BAKU.WS xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb.

Qeyd olunub ki, həmin müddətə qədər sorğu yerləşdirən valideynlər sentyabrın 5-i saat 15:00-a qədər övladlarının sənədlərini yerdəyişmə etdikləri ümumi təhsil müəssisəsinə təqdim etməlidirlər.

Qeyd edək ki, yerdəyişmə prosesinə II – IX və XI sinif şagirdləri üçün avqustun 8-i saat 15:00-dan, X siniflər üçün isə avqustun 15-i saat 15:00-dan etibarən başlanılıb. Yerdəyişmə prosesi yekunlaşdıqdan sonra tamamlanmayan sorğular və növbələr avtomatik olaraq sistem tərəfindən silinəcək.

Pulsuz təhsil alacaq tələbələrin sayı AÇIQLANDI

Azərbaycanda 600-dən çox bal toplayan iki nəfər ali məktəbə qəbul olmayıb

Universitetlərə boş qalan plan yerlərinin sayı açıqlanıb

Birinci mərhələdən sonra I ixtisas qrupu üzrə 1304, II ixtisas qrupu üzrə 246, III ixtisas qrupu üzrə 400, IV ixtisas qrupu üzrə 463, V ixtisas qrupu üzrə isə 348 plan yeri boş qalıb.

Far.Az xəbər verir ki, bunu Dövlət İmtahan Mərkəzinin (DİM) İdarə Heyətinin sədri Məleykə Abbaszadə universitetlərə qəbulun nəticələri ilə bağlı keçirdiyi brifinqdə deyib.

DİM sədri bildirib ki, ayrıca ali təhsil müəssisələrinə gəldikdə I mərhələdən sonra tələbə qəbulu aparılan 44 ali təhsil müəssisəsinin 25-də plan yerləri 95%-dən çox, o cümlədən 8 ali təhsil müəssisəsində (Azərbaycan Tibb Universiteti, Azərbaycan Respublikasının Prezidenti yanında Dövlət İdarəçilik Akademiyası, ADA Universiteti, Azərbaycan Dövlət Dəniz Akademiyası, Bakı Ali Neft Məktəbi, Dövlət Gömrük Komitəsinin Akademiyası, Azərbaycan İlahiyyat İnstitutu, Azərbaycan Əmək və Sosial Münasibətlər Akademiyası) 100 % dolub.