ABŞ Prezidenti Donald Tramp İranla razılaşma bağlamaq istədiyinə əmin olmadığını bildirib.

"Far.Az" xəbər verir ki, o, bu barədə Ankarada keçirilən NATO sammitində jurnalistlərin sualına cavab olaraq bildirib.

Tramp qeyd edib ki, əvvəllər İran liderlərini çox rasional insanlar hesab edirdi, lakin onların son həftələrdəki addımlarından sonra fikrini dəyişib.

"Mən onları daha yaxşı tanıdım. Düşünürdüm ki, iranlılar daha rasionaldırlar, amma onların son bir və ya iki həftə ərzindəki atdıqları addımlardan aydın olur ki, onlar İran xalqının maraqlarına xidmət etmirlər", - Tramp bəyan edib.

ABŞ liderinin sözlərinə görə, Tehran razılaşma bağlamaq istəyir, lakin bunu necə edəcəyini bilmir.

"Mən onlarla razılaşma bağlamaq istədiyimə əmin deyiləm. Biz oyun oynaya bilərik, amma mən razılaşma bağlamaq istədiyimə əmin deyiləm. Gəlin, sadəcə işi yekunlaşdıraq", - o deyib.

Tramp bir daha vurğulayıb ki, ABŞ-nin əsas tələbi İranın nüvə silahı əldə etməsinə maneə olmaqdır. O əlavə edib ki, Tehranın hərəkətləri, o cümlədən gəmilərə gecə hücumları onun xoşuna gəlmir.

ABŞ lideri qeyd edib ki, İranla hərbi əməliyyatların bərpa olunmasını gözləmir. Onun sözlərinə görə, əgər münaqişə yenidən başlayarsa, hər şey çox tez baş verəcək, ABŞ isə İranın atdığı addımlara daha genişmiqyaslı zərbələrlə cavab verəcək. Tramp vurğulayıb ki, Vaşinqton Tehranla onun öz dilində danışır və uzunmüddətli qarşıdurmaya can atmır.

Oxşar xəbərlər

Prezident İlham Əliyev Yaxın Şərq Sülh Sammitində iştirak edib

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2