Bu gün Azərbaycanın həm iştirakçı sayına, həm də keçirilmə müddətinə görə ən irimiqyaslı layihəsi olan YayFest 2026-ya start verilir.

"Report"un Şamaxıya ezam olunan əməkdaşı xəbər verir ki, bunu Gənclər Fondunun icraçı direktor vəzifəsini icra edən Yusif Vəliyev jurnalistlərə açıqlamasında deyib.

Onun sözlərinə görə, YayFest və ümumilikdə səkkiz həftə ərzində təşkil olunacaq düşərgələrdə iki mindən artıq gəncin iştirakı nəzərdə tutulub:

"Bu, yalnız açıq havada keçirilən düşərgə formatı deyil, eyni zamanda dövlət gənclər siyasətinin əsas prioritetlərini təşviq edən bir platformadır. Ümumilikdə gənclər burada ekspertlər tərəfindən təlimlər alacaq, asudə vaxtlarını səmərəli təşkil edəcək, birlikdə komanda ruhunun formalaşdırılması istiqamətində fəaliyyət göstərəcəklər".

Y. Vəliyev qeyd edib ki, əsas məqsəd gənclərin həm şəxsi, həm də peşəkar inkişafına dəstək olmaq və dövlətçilik ənənələrini təşviq etməkdir:

"Ümumilikdə YayFest-in builki konsepsiyası süni intellekt və rəqəmsal transformasiyaya həsr olunub. Səkkiz həftə ərzində müxtəlif dövlət qurumlarının rəsmi nümayəndələri tərəfindən bu mövzular ətrafında da gənclərimizlə görüşlər keçiriləcək".

Oxşar xəbərlər

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

WUF13 çərçivəsində xarici media nümayəndələri üçün Şamaxıya mediatur təşkil edilib

OBA "OBA-da gənclərin izi" ilə 10 illik  tədbirlər planına start verdi