Azərbaycan və Polşa arasında hərbi təhsil sistemində həyata keçirilən islahatlar müzakirə edilib
Far.Az xəbər saytı

Azərbaycan və Polşa arasında hərbi təhsil sistemində həyata keçirilən islahatlar müzakirə edilib


Polşa Milli Müdafiə Nazirliyinin Hərbi Təhsil Departamentinin rəisi briqada generalı Valdemar Qolebovskinin rəhbərlik etdiyi nümayəndə heyəti Azərbaycana səfər edib.

Bu barədə "Far.Az"a Müdafiə Nazirliyindən məlumat verilib.

Bildirilib ki, səfər çərçivəsində nümayəndə heyətinin Milli Müdafiə Universitetinin (MMU) rektoru general-mayor Gündüz Əbdülovla görüşü keçirilib. Görüşdə Azərbaycanın hərbi təhsil sistemində həyata keçirilən islahatlar, tədris prosesinin təşkili, hərbi təhsil sahəsində əməkdaşlıq və qarşılıqlı təcrübə mübadiləsi məsələləri müzakirə olunub.

Səfər proqramına uyğun olaraq, polşalı qonaqlar MMU-nun tabeliyində fəaliyyət göstərən Heydər Əliyev adına Hərbi İnstitut və Cəmşid Naxçıvanski adına Hərbi Liseydə də olublar. Təhsil müəssisələrində yaradılmış tədris və xidmət şəraiti ilə tanış olan nümayəndə heyətinə hərbi kadr hazırlığı istiqamətində görülən işlər barədə məlumat verilib.

Sonda nümayəndə heyətinin rəhbəri Hərbi Liseyin "Şərəf kitabı"na ürək sözlərini yazıb. Tərəflər arasında qarşılıqlı hədiyyələr təqdim olunub və xatirə fotosu çəkdirilib.

Qeyd edək ki, səfər ölkələr arasında hərbi təhsil sahəsində qabaqcıl təcrübənin öyrənilməsi və peşəkar kadr hazırlığı istiqamətində əlaqələrin inkişafı baxımından mühüm əhəmiyyət daşıyır.

Oxşar xəbərlər

FHN Cəmşid Naxçıvanski adına Hərbi Liseydə təlim keçirib
Cəmşid Naxçıvanski adına Hərbi Liseydə buraxılış mərasimi keçirilib
İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
Cəmşid Naxçıvanski adına Hərbi Liseyə mediatur təşkil olunub
Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Ən son xəbərləri bizim

"Facebook" səhifəmizdə izləyin

Digər xəbərlər