Fövqəladə Hallar Nazirliyi (FHN) tərəfindən çimərliklərdə istirahət edən vətəndaşlara təhlükəsizlik qaydaları barədə məlumat verilib.

FHN-dən "Far.Az"a verilən məlumata görə, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin mütəxəssislərinin iştirakı ilə nazirliyin Bakı, Sumqayıt, Cənub və Şimal regional mərkəzləri tərəfindən Bakı şəhəri və Abşeron yarımadasında, Sumqayıt şəhərində, eləcə də Astara və Xaçmaz rayonlarında yerləşən çimərliklərdə maarifləndirmə tədbirləri təşkil edilib.

Tədbirlər zamanı əməkdaşlar vətəndaşlara sularda təhlükəsizlik qaydaları barədə ətraflı məlumat verərək bu qaydalara əməl etməyin vacibliyini diqqətə çatdırıblar. Həmçinin qadağanedici nişanlara, xilasedicilərin çağırış və tələblərinə, sanitar-gigiyena normalarına riayət olunmasının, uşaqların nəzarətsiz buraxılmamasının və zərərçəkənlərə ilkin yardım göstərilməsi qaydalarının əhəmiyyəti izah edilib.

Bununla yanaşı, vətəndaşlara suda baş verə biləcək bədbəxt hadisələrin qarşısının alınması üçün görülməli zəruri tədbirlərlə bağlı tövsiyələr verilib, maarifləndirici çap materialları paylanılıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

FHN silsilə maarifləndirmə tədbirləri keçirib

Gələcəyə ümidlə baxan uşaqların sağlamlıq arzusu burada gerçəkləşə bilər

Bakının 6 rayonunda və Sumqayıt şəhəri, Abşeron, Hacıqabul, Xızı, Şabran, Xaçmaz rayonlarında suçəkmə işləri aparılır

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar