ABŞ-nin İrana zərbələrinin dayandırılması barədə məlumatlardan sonra neft ucuzlaşır.

"Report" xəbər verir ki, bunu iyulun 27-də keçirilən birja hərraclarının məlumatları göstərir.

Kotirovkaların dinamikasına əsasən, "Brent" markalı neftin sentyabr fyuçerslərinin qiyməti 5%-dən çox ucuzlaşaraq bir barel üçün 90,4 dollara qədər enib.

Daha sonra göstəricilər enişi bərpa edib və Bakı vaxtı ilə saat 05:39-da bir barel üçün təxminən 92,6 dollar (-4.226) təşkil edib.

Xatırladaq ki, ABŞ Prezidenti Donald Tramp iyulun 25-də İrana zərbələri dayandırmağı əmr edib. Ağ Evin bu qərarı Hörmüz boğazında gəmiçiliyin bərpası üzrə diplomatik səylərdəki müəyyən irəliləyişlə əlaqələndirilib. Lakin regiondakı ABŞ bazalarına endirilən İran hücumlarını dəf etdikdən sonra Pentaqonun HHM raketlərinin ehtiyatını tamamlamaqda müəyyən çətinliklərlə üzləşdiyinə dair məlumatlar da var idi.

ABŞ və İsrail fevralın 28-də İrana qarşı əməliyyata başlayıb. İyunda Vaşinqton və Tehran bütün cəbhələrdə, o cümlədən Livanda hərbi əməliyyatların dərhal dayandırılmasını nəzərdə tutan anlaşma memorandumu imzalayıb. Lakin iyulun 8-nə keçən gecə ABŞ Tehranı əldə olunmuş razılaşmaların Hörmüz boğazına aid hissəsinin şərtlərini pozmaqda ittiham edərək İrana qarşı genişmiqyaslı zərbələri bərpa edib. İran isə ABŞ-nin region ölkələrindəki hərbi infrastrukturuna zərbələr endirib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3