Ombudsmanın nümayəndələri Suriyadan repatriasiyası həyata keçirilmiş Azərbaycan vətəndaşları ilə görüşüblər.

Bu barədə "Report"a Ombudsman Aparatından məlumat verilib.

Bildirilib ki, Azərbaycan hökuməti tərəfindən görülmüş mərhələli və koordinasiyalı tədbirlər nəticəsində cari ilin 18 və 19 iyul tarixlərində Suriyadan 7-si qadın və 9-u uşaq olmaqla, ümumilikdə 16 nəfər Azərbaycan vətəndaşının ölkəyə repatriasiyası həyata keçirilib.

İnsan Hüquqları üzrə Müvəkkilinin (Ombudsmanın) nümayəndələri Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin müvafiq müəssisəsində yerləşdirilmiş həmin repatriantlarla görüş keçirib.

Görüşdə repatriantlarla söhbət aparılıb, onların hüquqlarının təmini vəziyyəti və ehtiyacları öyrənilib, qadın və uşaqlar hüquq və azadlıqlarının müdafiəsi, eləcə də Ombudsmanın mandatı barədə ətraflı məlumatlandırılıb.

Bununla yanaşı, müəssisə rəhbəri tərəfindən təsisatın əməkdaşlarına repatriantların reabilitasiyası üzrə göstərilən xidmətlər barədə məlumat verilib, görüşün nəticəsi üzrə müzakirələr aparılaraq müəssisə əməkdaşlarına tövsiyələr verilib.

Oxşar xəbərlər

Səbinə Əliyeva: Mina problemi fundamental insan hüquqlarının kobudcasına pozulmasıdır

İlham Əliyev Zəngilanda ilk yaşayış kompleksinə köçən ailələrlə görüşüb

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Amnistiya aktı məntəqə tipli cəzaçəkmə müəssisəsində icra olunub