Bu ilin yanvar-iyun aylarında Azərbaycan ərazisindən keçən nəqliyyat dəhlizlərində yük daşınmasından 276 189,4 min manat gəlir əldə olunub, bu da illik müqayisədə 2,6% azdır.

"APA-Economics" Dövlət Statistika Komitəsinə istinadən xəbər verir ki, ötən ilin müvafiq dövründə qeyd olunan göstərici 283 558,9 min manat təşkil edib.

Məlumata görə, hesabat dövründə Azərbaycan ərazisindən keçən nəqliyyat dəhlizlərində ranzit yük daşınmasından 177 003,4 min manat gəlir əldə olunub ki, bu da illik müqayisədə 1,2% azalma deməkdir.

Qeyd etmək lazımdır ki, bu ilin birinci yarısında Azərbaycan ərazisindən keçən nəqliyyat dəhlizlərində daşınmış yüklərin həcmi 16 407,6 min ton, yük dövriyyəsi isə 6 633,5 milyon ton-km olub. Əvvəlki ilin eyni dövrü ilə müqayisədə müvafiq olaraq 0,2% və 2,4% artım müşahidə olunub.

Belə ki, Şərq-Qərb nəqliyyat dəhlizi ilə daşınmış yüklərin həcmi 8 170 min ton, o cümlədən Avropa-Qafqaz-Asiya nəqliyyat dəhlizi ilə - 4 242,1 min ton, Şimal-Cənub nəqliyyat dəhlizi ilə - 4 807,7 min ton, Şimal-Qərb nəqliyyat dəhlizi ilə - 3 248,8 min ton, Cənub-Qərb nəqliyyat dəhlizi ilə daşınmış yüklərin həcmi isə 181,1 min ton təşkil edib.

Yüklərin 7 506,7 min tonu və ya 45,8%-i dəmir yolu nəqliyyatı, 5 004,4 min tonu və ya 30,5%-i avtomobil nəqliyyatı, 3 896,5 min tonu və ya 23,7%-i dəniz nəqliyyatı ilə daşınmışınıb. Nəqliyyat dəhlizləri vasitəsilə daşınmış yüklərin 59,2%-i və ya 9 707,6 min tonunu tranzit yüklər təşkil edib.

Oxşar xəbərlər

Azərbaycanda dəmir yolu ilə sərnişin daşınmasından gəlirlər 18%-dən çox artıb

Paşinyanın Ermənistana töhfəsi - işsizlik pik həddə çatıb - ŞƏRH

Azərbaycanın magistral qaz kəmərlərindən əldə etdiyi gəlirlər artıb

Azad edilmiş ərazilərdə bu ilin birinci yarısında 840 yeni iş yeri yaradılıb

Azərbaycanda dövlət əmlakının özəlləşdirmə və icarəsindən büdcə daxilolmaları artıb