Bakıda qəza olub, sıxlıq yaranıb - FOTO

Bakının Nəsimi rayonunda yol-nəqliyyat hadisəsi baş verib.

Bu barədə APA-ya DİN-in Nəqliyyatı İntellektual İdarəetmə Mərkəzindən məlumat verib.

Bildirilib ki, yol-nəqliyyat hadisəsi Nəsimi rayonu, Alı Mustafayev küçəsində baş verib. Qəza zamanı avtomobillərdən birinin üzərində olan yük yola dağılıb. Bu səbəbdən Ziya Bünyadov prospekti istiqamətində sıxlıq yaranıb.

Avtomobillərin rahat hərəkətini təmin etmək üçün işlər görülür.

Emin Şirvanzadə