Çin "SatNet" sistemində 29-cu aşağı orbitli internet peykləri qrupunu uğurla orbitə çıxarıb.

"Report"un "Xinhua" agentliyinə istinadən məlumatına görə, CZ-12 ("Long March"-12) Haynan adasındakı kommersiya buraxılış məntəqəsindən buraxılıb.

Peyklər təyin olunmuş orbitlərə çatdırılıb və buraxılışın uğurlu olduğu elan edilib.

CZ-12 təxminən 5 000 kilonyuton qaldırma gücünə malikdir. Uzunluğu 62 metrdir. Raket 700 km hündürlükdə günəş-sinxron orbitə azı 6 ton faydalı yük yerləşdirməyə qadirdir.

Çin meteoroloji, telekommunikasiya və naviqasiya peyklərinin yaradılması, eləcə də Ay, Mars və asteroidlərin tədqiqi üçün texnologiyaların inkişafı da daxil olmaqla, milli kosmik proqramının inkişafını fəal şəkildə davam etdirir.

Bundan əlavə, Çin kosmik stansiyası o cümlədən beynəlxalq əməkdaşlıq üçün nəzərdə tutulmuş aşağı Yer orbitində fəaliyyət göstərir.

Çin 2025-ci ildə 92 kosmik buraxılış həyata keçirərək yeni milli rekord müəyyənləşdirib.

Oxşar xəbərlər

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

İlham Əliyev "Qobustan" Günəş Elektrik Stansiyasının açılışında iştirak edib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Çin "SatNet" aşağıorbitli rabitə peyklərinin 27-ci qrupunu uğurla orbitə çıxarıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2